ខេត្តបាត់ដំបង ៖ ថៅកែអេតចាយដែលជាម្ដាយ និងកូនស្រីវ័យ១៣ឆ្នាំ ត្រូវឃាតករបិទមុខសម្លាប់ជាបន្តបន្ទាប់យ៉ាងឃោរឃៅបំផុតក្នុងបន្ទប់ទឹកនៅក្នុងផ្ទះ ខណៈបុរសជាប្ដីមិននៅផ្ទះ។ អំពើឃាតកម្មនេះត្រូវបានសមត្ថកិច្ចសន្មត់ថា អាចកើតឡើងនៅចន្លោះម៉ោង៦ទៅម៉ោង៨និង៣០នាទីយប់ថ្ងៃទី៤ ធ្នូ ស្ថិតក្នុងភូមិ១៣មករា សង្កាត់ព្រែកព្រះស្ដេច ក្រុងបាត់ដំបង និងផ្ដើមចេញពីរឿងគំនុំ ។