ខេត្តសៀមរាប ៖ អាជ្ញាធរក្រុងទេសចរណ៍សៀមរាប បានថ្លែងថា ការគ្រប់គ្រងសំរាមរបស់ក្រុមហ៊ុន «ជីអេអីុអេ» ដែលទទួលសិទ្ធិធ្វើអាជីវកម្មផ្តាច់មុខប្រមូលសំរាមក្នុងក្រុងមានភាពធ្លាក់ចុះនៅក្នុងឆ្នាំ២០១២នេះ គឺមានភាពយឺតយ៉ាវធ្វើឱ្យសំរាមកកស្ទះទាំងពំនូកៗនៅតាមចិញ្ចើមផ្លូវ និងមានក្លិនស្អុយប៉ះពាល់យ៉ាងធ្ងន់ធ្ងរទៅលើបរិស្ថាននៅក្នុងក្រុងទេសចរណ៍ប្រវត្តិសាស្ត្រមួយនេះ ។