ព័ត៌មានជាតិ – Koh Santepheap Daily

ខេត្តព្រៃវែង ៖ កាលពីវេលាម៉ោង១០និង១៥នាទីយប់ ថ្ងៃទី៩ ខែកញ្ញា ឆ្នាំ២០១៧ គេបានប្រទះឃើញរថយន្តយីឌុបខា្នតធំមួយគ្រឿង ពាក់ស្លាកលេខ កំពង់ចាម ៣C-១៧៨៩ បានបើកឆ្លងព្រំដែនចូលទៅប្រទេសវៀតណាមតាមច្រករបៀងម៉ឺនជ័យក្នុងឃុំក្របៅ ស្រុកកំចាយមារ ខេត្តព្រៃវែង ហើយសកម្មភាពនេះបានធ្វើឱ្យគេមានការសង្ស័យជាខ្លាំង ព្រោះគ្រាន់តែទៅដល់ភ្លាមមន្ត្រីប្រចាំការនៅមាត់ច្រកនោះបានប្រញាប់ប្រញាល់បើកបារ៉ាស់ឱ្យរថយន្តនោះឆ្លងព្រំដែនទៅភ្លាមដោយមិនបានត្រួតពិនិត្យអ្វីនោះទេ ។

ទោះជាយ៉ាងណាក៏ដោយក្នុងពេលនោះដែរក៏មានអ្នកសារពត៌មានចំនួន២នាក់ បានទៅទាន់ហើយបានថតយករូបភាពរថយន្តយីឌុបនោះដែរ ប៉ុន្តែក្រោយពេលដែលឃើញអ្នកសារព័ត៌មានថតរថយន្តនោះស្រាប់តែលេចចេញនារីម្នាក់មកនិយាយប្រាប់អ្នកពត៌មានថា រថយន្តយីឌុបនោះជារបស់ខ្លួនហើយគេដឹកអូសទេមិនមានដឹកអ្វីខុសច្បាប់នោះទេ ។ សង្ស័យមានបង្កប់ឈើប្រណីតខុសច្បាប់នៅពីក្រោម ។ ប៉ុន្តែព្រោះតែតាប្រាក់ ។

ដោយឡែកខាងសមត្ថកិច្ចនៅមាត់ច្រកនោះវិញ នៅពេលឃើញអ្នកសារព័ត៌មានថតរូបភាពរថយន្តនោះបែរជាមានការខឹងសម្បារ ហើយក៏ចេញមកដេញក្រុមអ្នកព័ត៌មានចេញពីមាត់ច្រកនោះដោយអះអាងថា គេមិនហាមអ្នកព័ត៌មានចុះយកពត៌មានទេ តែត្រូវទៅយកឱ្យឆ្ងាយពីមាត់ច្រកយ៉ាងហោចណាស់២គីឡូម៉ែត្រ ព្រោះតាប្រាក់មានអំណាច់ធំណាស់ ៕

The post ដឹកអុសកណ្តាលយប់ទៅស្រុកយួនដោយរលូន…ព្រោះតែតាប្រាក់ appeared first on Koh Santepheap Daily.

ខេត្តបាត់ដំបង ៖ បុគ្គលិកបំរើការនៅក្នុងក្លិបខារ៉ាអូខេអូមេហ្គា ផ្នែកគិតលុយម្នាក់ត្រូវកម្លាំងកងរាជអាវុធហត្ថខេត្តកសាងសំណុំរឿងបញ្ជូនទៅតុលាការនៅព្រឹកថ្ងៃទី១០ ខែកញ្ញា បន្ទាប់ពីត្រូវឃាត់ខ្លួនពាក់ព័ន្ទនឹងការរំលោភបំពានផ្លូវភេទទាំងកំរោលលើនារីបំរើការក្នុងក្លឹបកំសាន្តជាមួយគ្នាផ្នែកបំរើសេវាទឹកកកពេលនាងស្រវឹង ។

មន្ត្រីកងរាជអាវុធហត្ថបានឲ្យដឹងថា ហេតុការណ៍នេះបានកើតឡើងនៅវេលាម៉ោង១និង៣០នាទីរំលងអធ្រាត្រឈានចូលថ្ងៃទី០៩ ខែកញ្ញា ឆ្នាំ២០១៧ នៅក្នុងបន្ទប់ប្លាទីននៃក្លិបខារ៉ាអូខេ ដែលស្ថិតនៅភូមិកម្មករ សង្កាត់ស្វាយប៉ោ ក្រុងបាត់ដំបង ដែលបង្កឡើងដោយឈ្មោះ កែវ ចក់ ភេទប្រុស អាយុ២៨ឆ្នាំ ជាបុគ្គលិកផ្នែកគិតលុយនៅក្នុងក្លិបខារ៉ាអូខេអូមេហ្គា រីឯនារីរងគ្រោះឈ្មោះ ជ.ស អាយុ១៧ឆ្នាំ ជាអ្នកបំរើការនៅក្នុងក្លិបខារ៉ាអូខេនេះដែរ ។ មន្ត្រីដដែលបានបញ្ជាក់ថា បើតាមបណ្ដឹងរបស់នារីរងគ្រោះគឺបុរសនេះបានចាប់នាងរំលោភរហូតបានសម្រេចនៅក្នុងបន្ទប់ខារ៉ាអូខេ ខណៈនាងស្រវឹងហើយបំរុងដើរទៅកន្លែងនាងសម្រាក លុះព្រឹកឡើងទើបនាងប្ដឹងហើយមន្ត្រីជំនាញបានចុះទៅឃាត់ខ្លួនជនសង្ស័យនៅម៉ោង១០និង៣០នាទីព្រឹកថ្ងៃដដែលតែម្ដង ។

លោក អ៊ន ជ្រីសៅរ៍មណ្ឌល មេបញ្ជាការរងកងរាជអាវុធហត្ថខេត្តដែលបានស្រង់ចម្លើយនារីរងគ្រោះបានប្រាប់ថា មុនពេលកើតហេតុ និងខណៈខារ៉ាអូខេត្រូវបានបិទនាងបានដើរទៅកាន់បន្ទប់ស្នាក់នៅហើយពេលនោះស្រាប់តែឈ្មោះ កែវ ចក់ បានដើរតាមក្រោយ ។ លុះនាងដើរដល់ខាងមុខបន្ទប់ប្លាទីនបុរសនេះក៏ចាប់ក្រៀកនាងអូសចូលបន្ទប់នោះហើយធ្វើសកម្មភាពចាប់រំលោភនាងតែម្ដង ខណៈនាងស្រវឹងស្រាផងរើបំរាស់មិនរួច ។ លោកមេបញ្ជាការរងបាននិយាយថា ក្រោយពីកើតហេតុនាងក៏បានប្ដឹងសមត្ថកិច្ចរបស់លោកលុះព្រឹកឡើងទើបលោកមេបញ្ជាការខេត្តបញ្ជាឲ្យកម្លាំងជំនាញចុះទៅឃាត់ខ្លួនជនសង្ស័យឈ្មោះ កែវ ចក់ ដែលបំរើការក្នុងក្លិបខារ៉ាអូខេនេះតែម្ដង ។ ក្រោយពីឃាត់ខ្លួនជននេះបានសារភាពទទូលស្គាល់កំហុសរបស់ខ្លួនដែលបានប្រព្រឹត្តទៅនារីរងគ្រោះនោះហើយពេលនេះត្រូវមន្ត្រីជំនាញកសាងសំណុំរឿងបញ្ជូនទៅកាន់តុលាការចាត់ការតាមនីតិវិធី ៕

The post ឃើញទំនងឆ្លៀតឱកាសនាងស្រវឹងកៀក.កចូលបន្ទប់រំលោភបានសម្រេច appeared first on Koh Santepheap Daily.

ខេត្តបន្ទាយមានជ័យ ៖ ប្រជាពលរដ្ឋខេត្តជាប់ជាយដែន សុំឲ្យសម្តេចតេជោ ហ៊ុន សែន លើកលែងឲ្យការបង់ពន្ធរថយន្តចង្កូតស្តាំ និងឆ្វេង ដោយគ្មានការផាកវិន័យ ដើម្បីកាត់បន្ថយភាពក្រីក្រជូនប្រជាពលរដ្ឋ។ ប្រជាពលរដ្ឋបានឲ្យដឹងថា៖ ក្រោយពេលដែលមន្ត្រីគយ និងរដ្ឋាករ ខេត្តបន្ទាយមានជ័យ និងគយ និងរដ្ឋាករចល័យ ក្រសួងប្រចាំខេត្តបន្ទាយមានជ័យ បានបើកយុទ្ធនាការបង្ក្រាបរថយន្តគ្មានពន្ធនៅខេត្តបន្ទាយមានជ័យដែលជាខេត្តជាប់ជាយដែន។ ដោយការបង្ក្រាបរបស់មន្ត្រីគយ និងរដ្ឋាករខេត្តបន្ទាយមានជ័យបានចំនួន៨គ្រឿង ហើយរថយន្តចង្កូតស្តាំចាប់បានត្រូវរឹបអូសធ្វើជាកម្មសិទ្ធិរដ្ឋ និងរថយន្តចង្កូតឆ្វេង ត្រូវបានបង់ពន្ធផាកវិន័យមួយទ្វេគុណ។

ប្រជាពលរដ្ឋបានសំណូមពរដល់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សុំឲ្យមានការលើកឡើងលេងរថយន្តចង្កូតស្តាំដែលមន្ត្រីគយចាប់រឹបអូសធ្វើជាកម្មសិទ្ធរដ្ឋនោះទុកពេលឲ្យប្រជាពលរដ្ឋបង់ និងរថយន្តចង្កូតឆ្វេងបង់ពន្ធដោយមិនធ្វើការផាកវិន័យនេះដូចជាការចូលរួមកាត់បន្ថយភាពក្រីក្រជូនប្រជាពលរដ្ឋដែរ។ ប្រជាពលរដ្ឋបានបញ្ជាក់ថា៖ បើមន្ត្រីជំនាញចាប់រថយន្តចង្កូតស្តាំរឹបអូសធ្វើជាកម្មសិទ្ធិរដ្ឋ និងរថយន្តចង្កូតឆ្វេងបង់ពន្ធផាកវិន័យនោះគួរតែមន្ត្រី ស្ថាប័នពាក់ព័ន្ធត្រូវទប់ស្កាត់ការលួចនាំចូលមិនត្រូវចាប់ប្រជាពលរដ្ឋទិញប្រើប្រាស់ក្នុងស្រុកនោះទេ អាចប៉ះពាល់ដល់ជីវភាពប្រជាពលរដ្ឋ។

គួររំលឹកថា៖ កាលពីថ្ងៃទី១៦ ខែសីហា ឆ្នាំ២០១៧កន្លងទៅ លោក ឆែ សុធា ប្រធានសាខាគយ និងរដ្ឋាករខេត្តបន្ទាយមានជ័យបានឲ្យដឹងថា មន្ត្រីគយ និងរដ្ឋាករខេត្ត បើកយុទ្ធនាការបង្ក្រាបរថយន្តគ្មានពន្ធចាប់បានចំនួន០៨គ្រឿងក្នុងនោះមានរថយន្តចង្កូតស្តាំចំនួន៦គ្រឿង និងរថយន្តចង្កូតឆ្វេង២គ្រឿង ម៉ូតូគ្មានពន្ធចំនួន៦៥គ្រឿង។ លោកបានបញ្ជាក់ថា រថយន្តគ្មានពន្ធដែលមន្ត្រីជំនាញចាប់បានគឺរថយន្តគ្មានពន្ធចង្កូតស្តាំត្រូវបានរឹបអូសជាសម្បត្តិរដ្ឋ និងរថយន្តចង្កូតឆ្វេងឲ្យបង់ផាកវិន័យ៕

The post សុំលើកលែងការបង់ពន្ធរថយន្តចង្កូតស្តាំ និងឆ្វេងដោយគ្មានការផាកវិន័យ appeared first on Koh Santepheap Daily.

ខេត្តបន្ទាយមានជ័យ ៖ បុរសម្នាក់ជាប់ចោទពីបទលួងលោមក្មេងស្រីអាយុ៥ឆ្នាំទៅរំលោភមិនបានសម្រេចត្រូវបានកម្លាំងកងរាជអាវុធចាប់ខ្លួនបញ្ចូនទៅសាលាដំបូងខេត្តបន្ទាយមានជ័យ នៅថ្ងៃទី១០ខែកញ្ញា ឆ្នាំ២០១៧។ បុរសជាប់ចោទឈ្មោះ ទួត ប៊ុនសុង អាយុ៣៤ឆ្នាំ រស់នៅភូមិ.សង្កាត់កំពង់ស្វាយ ក្រុងសិរីសោភ័ណ ចំណែកឯក្មេងស្រីរងគ្រោះឈ្មោះ ត.ស.យ អាយុ៥ឆ្នាំ រស់ ក្រុងសិរីសោភ័ណ។

លោកវរសេនីយ៍ត្រី យ៉ាន់ សុវណ្ណ មេបញ្ជាការកងរាជអាវុធហត្ថក្រុងសិរីសោភ័ណបានប្រាប់ថា ក្រោយពេលទទួលពាក្យបណ្តឹងពីម្ដាយក្មេងស្រីរងគ្រោះ បានប្តឹងឈ្មោះ ទួត ប៊ុនសុង ពីបទប៉ុនប៉ងរំលោភក្មេងស្រីជនរងគ្រោះ នៅអំឡុងម៉ោង២រសៀល ថ្ងៃទី០៨ ខែកញ្ញា ឆ្នាំ២០១៧ នៅចំណុចគម្ពោតព្រៃមួយកន្លែងក្នុងភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ។

លោកបានបញ្ជាក់ថា ក្រោយពេលកម្លាំងកងរាជអាវុធហត្ថក្រុងសិរីសោភ័ណបានទទួលពាក្យបណ្តឹងម្តាយក្មេងរងគ្រោះ កម្លាំងបានធ្វើការស្រាវជ្រាវឃាត់ខ្លួនជនសង្ស័យឈ្មោះ ទួត ប៊ុនសុង នៅវេលាម៉ោង១០ និង៣០នាទីយប់ ថ្ងៃទី០៨ ខែកញ្ញា ឆ្នាំ២០១៧ នៅចំណុចតាមផ្លូវក្នុងភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ។

តាមចម្លើយជនសង្ស័យបានសារភាពថា ខ្លួនពិតជាបានបបួលក្មេងស្រីរងគ្រោះទៅគុម្ពោតព្រៃមានបំណងរំលោភមែន ព្រោះខ្លួនស្រវឹងស្រា និងប្រើប្រាស់គ្រឿងញៀន ទើបតណ្ហាឡើងក៏មានបំណងនាំក្មេងស្រីទៅរំលោភតែមិនបានសម្រេច៕

The post បុរសម្នាក់ជាប់ចោទពីបទលួងលោមក្មេងស្រីអាយុ៥ឆ្នាំទៅរំលោភ appeared first on Koh Santepheap Daily.

ខេត្តកំពង់ឆ្នាំង ៖ មនុស្ស២នាក់បានស្លាប់ ក្នុងនោះម្នាក់ជាកុមារី និងមនុស្ស៣នាក់ទៀត ដែលជាក្រុមគ្រួសារតែមួយ បានរងរបួសធ្ងន់ និងស្រាល ក្នុងហេតុការគ្រោះថ្នាក់ចរាចរណ៍មួយបានកើតឡើងនៅវេលាម៉ោង៥ និង៣០នាទី ល្ងាចថ្ងៃទី១០ ខែកញ្ញា ឆ្នាំ២០១៧ នៅលើកំណាត់ផ្លូវជាតិលេខ៥៣ ស្ថិតក្នុងភូមិស្រែតាជ័យ ឃុំអភិវឌ្ឍន៍ ស្រុកទឹកផុស ខណៈជនរងគ្រោះទាំង៥នាក់ជិះម៉ូតូមួយគ្រឿង ដួលចូលក្រោមរថយន្តក្នុងទិសដៅបញ្ច្រាសគ្នា។

សមត្ថកិច្ចនគរបាល ស្រុកទឹកផុសបានឲ្យដឹងថា ជនរងគ្រោះដែលស្លាប់មានឈ្មោះ អេង ម៉ាប់ ភេទស្រី អាយុ៥២ឆ្នាំ និងម្នាក់ទៀតជាកុមារី មានឈ្មោះ សេង គន្ធា អាយុ២ឆ្នាំ ចំណែក៣នាក់ ទៀតបានរងរបួសធ្ងន់ និងស្រាល។ ជនរងគ្រោះគឺជាក្រុមគ្រួសារតែមួយ រស់នៅភូមិជីប្រ៉ង ឃុំជៀប ស្រុកទឹកផុស។ ប្រភពដដែលបានបន្តថា មុនពេលកើតហេតុ ជនរងគ្រោះទាំង៥នាក់ បានជិះម៉ូតូម៉ាក Zoomer ក្នុងដំណើរពីកើតទៅលិច លុះមកដល់ចំណុចកើតហេតុ ម៉ូតូបានបុកឆ្កែ១ក្បាលរួចរេចង្កូទៅឆ្វេងដៃ ស្របពេលជាមួយគ្នានោះមានរថយន្តមួយគ្រឿងទៀត ពាក់ស្លាកលេខ កំពង់ឆ្នាំង 2A-0839 បើកមកពីមុខក្នុងដំណើរបញ្ច្រាសទិសគ្នា បានបុកម៉ូតូពេញទំហឹង បណ្តាលឲ្យអូសម៉ូតូជាច្រើនម៉ែត្រ។

ក្រោយកើតហេតុ គេឃើញជនរងគ្រោះពីរនាក់ ដែលម្នាក់ជាកុមារីបានស្លាប់នៅនឹងកន្លែង ចំណែកមនុស្ស៣នាក់ទៀតបានរងរបួសធ្ងន់ និងស្រាល។ សមត្ថកិច្ចបានបញ្ជាក់ថា ជនរងគ្រោះត្រូវបានក្រុមគ្រួសារ ដឹកមកសង្គ្រោះនៅមណ្ឌលសុខភាព ស្រុកទឹកផុស ចំណែកជនរងគ្រោះដែលស្លាប់ ត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី។ ដោយឡែករថយន្ត ត្រូវបានសមត្ថកិច្ចនាំយកមករក្សាទុកនៅអធិការនគរបាលស្រុកទឹកផុស ដើម្បីរង់ចាំការដោះស្រាយតាមនីតិវិធី៕

The post មួយគ្រួសារ៥នាក់ជិះម៉ូតូបុកឆ្កែ ដូចរុញចូលរថយន្ត appeared first on Koh Santepheap Daily.

រាជធានីភ្នំពេញ ៖ នៅទីបំផុត រដ្ឋសភាជាតិ នៅព្រឹកថ្ងៃទី១១ ខែកញ្ញា នេះ បានបោះឆ្នោតជាឯកច្ឆន្ទអនុញ្ញតឲ្យស្ថាប័នតុលាការ “បន្តនីតិវិធី” ពាក់ព័ន្ធនឹងសំណុំរឿងរបស់ លោក កឹម សុខា ប្រធានគណបក្សសង្គ្រោះជាតិ ។

សមាជិកសភា មកពីគណបក្សប្រជាជនកម្ពុជាចំនួន ៦៧ រូបបានបោះឆ្នោតជាឯកច្ឆន្ទ ដោយការលើកដៃគាំទ្រឲ្យ តុលាការបន្តនីតិវិធី លើសំណុំរឿងមេបក្សប្រឆាំងដែលត្រូវបានចោទពីបទ “ក្បត់ជាតិ” ។ ការសម្រេចនេះ ដែលគ្មានវត្តមានសមាជិកសភាមកពីបក្សប្រឆាំង ធ្វើឡើងក្នុងសម័យប្រជុំពេញវិសមាញ្ញក្រោម អធិបតីភាព សម្តេច ហេង សំរិន ប្រធានរដ្ឋសភា ។

សូមបញ្ជាក់ថា លោក កឹម សុខា ត្រូវបានចាប់ខ្លួនពីបទល្មើសជាក់ស្តែង ហើយត្រូវបានសាលាដំបូងរាជធានីភ្នំពេញ ចោទប្រកាន់ពីបទ “សន្ទិដ្ឋិភាពជាមួយបរទេស” តាមបញ្ញាតិ្តមាត្រា ៤៤៣ នៃក្រមព្រហ្មទណ្ឌ ។

មាត្រា ៤៤៣ នៃក្រមព្រហ្មទណ្ឌបានចែងថា បទសន្ទិដ្ឋិភាពជាមួយបរទេស គឺត្រូវផន្ទាទោសដាក់ពន្ធនាគារពី ១៥ ទៅ ៣០ឆ្នាំ ៕

The post សភាបោះឆ្នោតសម្រេចឲ្យតុលាការ “បន្តនីតិវិធី” រឿងលោក កឹម សុខា appeared first on Koh Santepheap Daily.

ខេត្តកណ្ដាល ៖ មានការភ្ញាក់ផ្អើលមួយទាំងកណ្តាលយប់ធ្វើឱ្យក្មេងទំទង់២នាក់ស្លាប់ និង២នាក់ទៀតរងរបួសធ្ងន់ស្រាល ដោយសារតែពួកគេយកផាវមកកែច្នៃខុសបច្ចេកទេសបណ្តាលឱ្យផ្ទុះ ។ ករណីផ្ទុះផាវនេះបានកើតឡើងនៅវេលាម៉ោង១០យប់ ថ្ងៃទី១០ ខែកញ្ញា នៅក្នុងភូមិពោធិដុះ ឃុំបាគូរ ស្រុកកណ្តាលស្ទឹង ខេត្តកណ្តាល ។

ប្រភពបានបន្តថា ក្មេងរងគ្រោះទាំងមាន៤នាក់គឺទី១-ឈ្មោះ ប៉ុន សម្បត្តិ ភេទប្រុស អាយុ១៣ឆ្នាំ មុខរបរសិស្ស(ស្លាប់), ទី២-ឈ្មោះ ជ័យ វី ភេទប្រុស អាយុ១១ឆ្នាំ មុខរបរសិស្ស(ស្លាប់), ទី៣-ឈ្មោះ ប៉ុន សុខន ភេទប្រុស អាយុ១៦ឆ្នាំ មុខរបរសិស្ស និងទី៤-ឈ្មោះ មឿង សុភ័ក្រ អាយុ១៧ឆ្នាំ មុខរបរស្នាក់នៅភូមិ-ឃុំខាងលើ ។

បច្ចុប្បន្នក្មេងដែលរងរបួសទាំង២នាក់ត្រូវបានគ្រួសារបញ្ជូនទៅសង្គ្រោះនៅមន្ទីពេទ្យរុស្សីភ្នំពេញ ចំណែកសពក្មេងប្រុសទាំង២នាក់ត្រូវបានសមត្ថកិច្ចធ្វើកោសល្យវិច្ច័យពិនិត្យរួចប្រគល់សពជូនសាច់ញាតិយកទៅធ្វើបុណ្យតាមប្រពៃណី ៕

The post យកផាវកែច្នៃមកលេងផ្ទុះស្លាប់ទាំងយប់ appeared first on Koh Santepheap Daily.

រាជធានីភ្នំពេញ ៖ រឿងស្នេហារបស់វ័យចំណាស់ចាស់ចង់សក់ស្កូវទៅហើយ ក្រោយពីលួចស្រឡាញ់ បានគ្នារាប់ភ្លេចច្រើនខែមកហើយ ដោយភាគីម្ខាងលែងលះគ្នាជាមួយប្តី ភាគីម្ខាងទៀត មានប្រពន្ធហើយទៅលួចបង្កាត់ភ្លើងស្នេហ៍ជាមួយអ្នកមេម៉ាយ ទីបំផុតបែករឿងដឹងដល់ប្ដីដើម មកធ្វើការចោទប្រកាន់ បុរសជាគូរស្នេហ៍ក្រោយ ថារំលោភប្រពន្ធខ្លួនទៅវិញ តួអង្គស្រីសង្ស័យថាភិតក្បត់ ត្រូវដងត្រូវផ្លែជាមួយប្តីដើម រួមគ្នាប្តឹងចោទតែម្តង ត្រូវបាននគរបាលឃាត់យកចូលប៉ុស្តិ៍ចោមចៅដើម្បីសាកសួរ កាលពីវេលាម៉ោង០៤និង៣០នាទីរសៀល ថ្ងៃទី១០ ខែកញ្ញា ឆ្នាំ២០១៧ ស្ថិតនៅផ្ទះជួលក្នុងភូមិសាមគ្គី៣ សង្កាត់ត្រពាំងក្រសាំង ខណ្ឌពោធិសែនជ័យ ។

តួប្រុសដែលរងការចោទប្រកាន់មាន ឈ្មោះ ទី សាវឿន អាយុ៤៨ឆ្នាំ មុខរបររត់ម៉ូតូកង់បី ស្នាក់នៅផ្ទះជួលភូមិសាមគ្គី៣ សង្កាត់ត្រពាំងក្រសាំង ខណ្ឌពោធិសែនជ័យ មានស្រុកកំណើត ឃុំម៉ឺនជ័យ ស្រុករំដួល ខេត្តស្វាយរៀង មានប្រពន្ធឈ្មោះ គង់ នឿន អាយុ៤៧ឆ្នាំ មុខរបរនៅផ្ទះ មានកូនស្រីម្នាក់ ។
ចំណែកតួស្រីចាកចេញចោលប្តី មកបង្កាត់ភ្លើងស្នេហ៍មានឈ្មោះ នាង ណាង អាយុ៤២ឆ្នាំ មុខរបរកម្មការិនីកាត់ដេរ ស្នាក់នៅផ្ទះជួល ភូមិទួលពង្រ សង្កាត់ចោមចៅ ខណ្ឌពោធិសែនជ័យ មានស្រុកកំណើត ស្រុកកំពង់ត្របែក ខេត្តព្រៃវែង មានប្តីត្រូវបានលាក់ឈ្មោះ ទោះជានរគបាល ក៏មិនបានប្រាប់ដែរ គ្រាន់តែដឹងថា មុខរបររត់ម៉ូតូឌុប ។

តាមសម្តីភាគីចុងចោទ បានឲ្យដឹងថា ខ្លួនពិតជាមានទំនាក់ទំនងជាមួយ ស្ត្រីឈ្មោះ នាង ណាង ពិតប្រាកដមែន អស់រយៈពេលជាង៨ខែកន្លងមកហើយ ក្រោយពី ស្ត្រីខាងលើលែងលះជាមួយប្តី ដោយប្តីចុះចោលទៅបាត់ មានទាំងប្រពន្ធថ្មីម្នាក់ទៀត ជិត១ឆ្នាំមកហើយ ដោយស្ត្រី នាង ណាង ចេះតែមកបបួលដេករួមរ័ក្ស ផឹកស៊ីស្នេហាអូនបង ច្រើនខែកន្លងមកហើយ ដោយមិនបាច់សួរចំនួនដងនៃការរួមភេទ ព្រោះលែងអស់លែងចាំទៅហើយ ចុងក្រោយនៅវេលាម៉ោង១១ព្រឹក ថ្ងៃទី០៩ ខែកញ្ញា ឆ្នាំ២០១៧នេះ បន្ទាប់នាំគ្នាផឹកស៊ី កើតទំនាស់សម្តី ខ្លួនបានជ្រុលដៃ ចាប់បោចសក់ ធ្វើឲ្យនាងខឹង ដឹងដល់ប្តីដើម បែររួមគ្នាមកប្តឹងចោទប្រកាន់ថា រំលោភទោវិញ លុះមកដល់ល្ងាចថ្ងៃទី១០ ខែកញ្ញានេះ នគរបាលទៅចាប់ខ្លួនដាក់ខ្នោះដល់ផ្ទះ នៅភូមិសាមគ្គី៣ នាំមកសកសួរនៅប៉ុស្តិ៍នគរបាលចោមចៅ ។

តបតាមសម្តីស្ត្រីខាងលើ បានឲ្យដឹងយ៉ាងខ្លីថា រឿងរ៉ាវ បានគ្នាពីមុនមក ទោះរាប់លែងអស់ លែងឈ្នះក៏ដោយ អត់គិតឡើយ ចំណែកប្តីដើម ក៏មិនទាន់លែងលះគ្នាដែរ គ្រាន់តែចុះចោលគាត់ជិត១ឆ្នាំតែប៉ុណ្ណោះ តែអ្វីមិនអាចទទួលយកបាន នៅព្រឹកថ្ងៃទី០៩ ខែកញ្ញា បុរសខាងលើ បានមកចាប់រំលោភ តែមិនបានសម្រេច ស្រែកឆោឡោ ដឹងដល់ប្តីដើម ទើបនាំគ្នាប្តឹងនគរបាលចាប់ឃាត់ខ្លួនជនសង្ស័យ ។

ទោះជាយ៉ាងណាក៏ដោយ ខាងស្ត្រីខាងលើបានសុំសម្របសម្រួលគ្នាទាមទារនូវទឹកប្រាក់៣,០០០ដុល្លារ បើពុំនោះទេ ប្តឹងឲ្យនគរបាលដាក់គុក ។ ករណីខាងលើ ធ្វើឲ្យនគរបាលវិលមុខ ដោយសារដើមចោទបានប្ដឹង ប៉ុន្តែជំរុញឲ្យនគរបាលសម្របសម្រួលទៅវិញ ។ តែចំពោះផ្លូវច្បាប់យ៉ាងណានោះ ស្ថិតនៅលើស្ថាប័នអ្នកច្បាប់ ។ ដោយសារ ការទាមទារ ច្រើនហួសហេតុពេក ធ្វើឲ្យភាគីចុងចោទ ពុំមានលទ្ធភាព ការសម្របសម្រួលនិយាយមិនត្រូវគ្នា ទើបសមត្ថកិច្ចសម្រេច កសាងសំណុំរឿងបញ្ជូនខ្លួនទៅផ្នែកជំនាញអធិការដ្ឋានខណ្ឌ ចាត់ការបន្តទៅតាមនីតិវិធី ៕

The post ស្ត្រីមានប្ដីបុរសមានប្រពន្ធលួចបង្កាត់ភ្លើងស្នេហ៍ ចុងក្រោយខាងស្រីប្ដឹងថារំលោភ ទារ៣ពាន់ដុល្លារ appeared first on Koh Santepheap Daily.

ខេត្តត្បូងឃ្មុំ ៖ កម្លាំងសមត្ថកិច្ចចម្រុះ មានទាំងប៉ូលិស ទាហាន និងកងរាជអាវុធហត្ថបានដាក់ពង្រាយនៅពន្ធនាគារត្រពាំងៀផ្លុង (មន្ទីរកែប្រែម.៣) នៅខេត្តត្បូងឃ្មុំ ទីកន្លែងលោក កឹម សុខា ប្រធានគណបក្សសង្គ្រោះជាតិត្រូវបានឃុំខ្លួនពីបទ «ក្បត់ជាតិ»។

ការរឹតបណ្តឹងសន្តិសុខនៅពន្ធនាគារត្រពាំងផ្លុងនៅព្រឹកថ្ងៃទី ១១ ខែកញ្ញានេះ គឺស្របពេលដែលតំណាងរាស្ត្រគណបក្សប្រឆាំងគ្រោងជួបជុំគ្នានៅមុខពន្ធនាគារដើម្បីធ្វើសេចក្តីថ្លែងការណ៍ពាក់ព័ន្ធនឹងការចាប់និងចោទប្រកាន់មេបក្សរបស់ខ្លួន។

គិតត្រឹមម៉ោង ៩ និង៣០នាទីព្រឹកថ្ងៃទី ១១ ខែកញ្ញានេះ ឃើញមានវត្តមានអ្នកតំណាងរាស្ត្របក្សប្រឆាំងទៅដល់ទីតាំងពន្ធនាគារហើយដែលក្នុងនោះរួមមានលោក ម៉ៅ មុន្នីវណ្ណ លោកស្រី ម៉ូ សុខហួរ និងអ្នកគាំទ្រប្រមាណ៥០នាក់ ។ យ៉ាងណាមិញ គឺសមត្ថកិច្ចបានដាក់បារ៉ាស់តាមផ្លូវចូលទៅពន្ធនាគារដើម្បីជួយសម្រួលចរារចរណ៍ផងដែរ៕

The post កម្លាំងចម្រុះរាប់រយដាក់ពង្រាយនៅម.៣ទីកន្លែងឃុំខ្លួនលោក កឹម សុខា ដោយសារ… appeared first on Koh Santepheap Daily.

រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងឲ្យដឹងថា អ្នកតំណាងរាស្ត្រមួយរូបមកពីគណបក្សសង្រ្គោះជាតិ ដែលបានគេចខ្លូនទៅប្រទេសថៃ តាមច្រកព្រំដែនស្រុកកំរៀង ខេត្តបាត់ដំបង កាលពីថ្ងៃទី១០ ខែកញ្ញា នេះ គួរតែត្រលប់មកស្រុកខ្មែរវិញ ព្រោះតែតំណាងរាស្រ្តរូបនោះអាចពាក់ព័ន្ធនឹងបទល្មើសមួយ ។

ថ្លែងក្នុងពិធីប្រគល់សញ្ញាប័ត្រដល់និស្សិតពេទ្យ នៃសកលវិទ្យាលល័យ វិទ្យាសាស្រ្តសុខាភិបាល ជាង៣,៩០០នាក់ នៅមជ្ឍមណ្ឌលកោះពេជ្រ រាជធានីភ្នំពេញ នៅថ្ងៃទី១១ ខែកញ្ញា ឆ្នាំ២០១៧ សម្តេចតេជោ បានបញ្ជាក់ថា បទចោទពីអំពើ “ក្បត់ជាតិ” មិនមែនជារឿងតូចតាចទេ ហើយមានមនុស្សមួយចំនួនទៀតនៅក្នងគណបក្សសង្រ្គោះជាតិ ជាប់ពាក់ព័ន្ធផងដែរ ។

សម្តេចតេជោបានបញ្ជាក់ថា ៖ “មុខក្បត់ យើងបានរកឃើញហើយ ហើយសុំអ្នកដែលឆ្លងព្រំដែននៅម៉ោង០៥និង២០នាទី ពីម្សិលមិញ ជាតំណាងរាស្ត្រ ដែលរត់ចេញទៅប្រទេសថៃ ពីម្សិលមិញ គួរត្រឡប់មកវិញ ។ ខ្លូនឯងមាននៅក្នុងបញ្ជីនៃការចែកនំបុ័ង ឆ្នាំ២០១៣ ។ មានមួយចំនួនចាកចេញ មានអ្នកខ្លាំង ក្លាហាន ហើយក៏មានអ្នកភ័យដែរ ព្រោះរឿងវាមិនតូច ។ បើសិនជាគេត្រូវការយក យើងក៏អាចសហការជាមួយប្រទេសថៃ នាំខ្លួនត្រលប់មកវិញបានដែរ” ។

យ៉ាងណាមិញ សម្តេចមិនបានបញ្ជាក់ឈ្មោះអ្នកតំណាងរាស្រ្ត ដែលបានចាកចេញពីកម្ពុជាទៅកាន់ប្រទេសថៃនៅឡើយទេ ។ តែសម្តេចនាយករដ្ឋមន្ត្រីបានបញ្ជាក់ជំហរថា អ្នកដែលក្បត់ជាតិ គឺមិនអាចរួចខ្លួននោះទេ ហើយបក្សប្រឆាំងក៏អាចនឹងត្រូវរំលាយចោលផងដែរ បើនៅបន្តកាន់ជើង លោក កឹម សុខា ។

សម្តេចបានបន្ត ៖ “ឯសម្រាប់អ្នក [ប្រព្រឹត្ត] អំពើក្បត់ជាតិ មិនត្រូវបានទទួលការអត់ឱនទេ ។ សភាបើកការប្រជុំនៅថ្ងៃនេះ ។ បើអំពើក្បត់ជាតិនេះ ត្រូវបានផ្សំគំនិតដោយក្របខណ្ឌ បក្សទាំងមូល បក្សនោះក៏ត្រូវទទួលរងនូវការដាក់ពិន័យខាងផ្នែកច្បាប់ គឺរំលាយគណបក្សនយោបាយចោលតែម្តង ។ មិនអនុញ្ញាតឲ្យអំពើក្បត់ណាមួយមកបំផ្លាញប្រទេសរបស់យើងដូចកាល ពីឆ្នាំ១៩៧០ទៀតទេ” ។ សម្តេច ៖ “វាជាភ័ព្វសំណាងណាស់ ដែលកម្ពុជារកឃើញ នូវអំពើក្បត់របស់ជនក្បត់ជាតិ ដែលយើងបានចាប់ខ្លួនរួចមកហើយ” ។

សម្តេចបានសង្កត់ធ្ងន់ថា ៖ “ហើយប្រសិនបើបក្សនយោបាយ នៅតែបន្តរារាំង ហើយនៅតែបន្តការពារជនក្បត់ជាតិនេះ មានន័យថា បក្សមួយនេះក្បត់ជាតិទៅហើយ ។ ដូច្នេះគ្មានពេលវេលាដើម្បីនឹងត្រូវទុកបក្សនេះ ដំណើរការនៅក្នុងប្រជាធិបតេយ្យ នៅក្នុងកម្ពុជាទៀតទេ ។ មិនមែនមានតែបក្សនយោបាយមួយទេ បក្សនយោបាយច្រើនណាស់ ដែលគេចូលរួមបោះឆ្នោត ។ កម្ពុជារំលាយបក្សនយោបាយមួយ តែក៏នៅមានបក្សនយោបាយច្រើនសម្រាប់ការបោះឆ្នោត ៕

The post សម្តេចតេជោ ហ៊ុន សែន ៖ អ្នកតំណាងរាស្ត្រម្នាក់ដែលចេញទៅថៃ គួរត្រលប់មកវិញ បើមិនអញ្ចឹងទេ… appeared first on Koh Santepheap Daily.

រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងឲ្យដឹងថា សម្ដេច គោរពប្រតិបត្តិសាសនាព្រះពុទ្ធខ្ជាប់ខ្ជួនជានិច្ច តែរឿងមួយដែល សម្តេច មិនជឿនោះគឺថា ការមានប្រេតឡើងមកស៊ីបាយបិណ្ឌដែលគេបោះឲ្យនោះទេ ។

ថ្លែងនៅក្នុងពិធីប្រគល់សញ្ញាប័ត្រដល់និស្សិតពេទ្យសាកលវិទ្យាល័យវិទ្យាសាស្ត្រសុខាភិបាល នៅមជ្ឍមណ្ឌលកោះពេជ្រ រាជធានីភ្នំពេញ, ថ្ងៃទី១១ ខែកញ្ញា ឆ្នាំ២០១៧ នេះ សម្តេចតេជោ ហ៊ុន សែន បានមានប្រសាសន៍ថា អ្វីដែលសំខាន់បំផុតសម្រាប់គ្រូពេទ្យ គឺគុណធម៌គ្រូពេទ្យតែម្តង ដូច្នេះ សម្តេច សុំឲ្យគ្រូពេទ្យយកចិត្តទុកដាក់ព្យាបាលអ្នកជំងឺឲ្យបានល្អ ។

សម្តេចក៏បានបន្តទៀតថា ៖ “ខ្ញុំសុំយកឱកាសនេះ អំពាវនាវសារជាថ្មីម្តងទៀត ទៅដល់ក្រុមគ្រូពេទ្យទាំងអស់ សុំចាត់ទុកអ្នកជំងឺ គឺជាជីវិត ដូចជាជីវិតរបស់ខ្លួន ផងដែរ” ។ សម្រាប់ថ្ងៃទី១១ ខែកញ្ញា នេះ គឺចំនៅបិណ្ឌទី៥ នៃពិធីបុណ្យកាន់បិណ្ឌ និងបុណ្យភ្ជុំបិណ្ឌនៅកម្ពុជា សម្តេច បានមានប្រសាសន៍ថា គ្រូពេទ្យមួយចំនួនមិនជឿលើរឿងប្រេតនោះទេ ហើយរូប សម្តច ផ្ទាល់ក៏មិនជឿដែរ ។

សម្តេចនាយករដ្ឋមន្ត្រីបានថ្លែងថា ៖ “ខ្ញុំក៏មិនជឿថា មានប្រេតឡើងមកស៊ីបាយដែរ ខ្ញុំឥតជឿដែរ អញ្ចឹងបានជាខ្ញុំអត់ដែលទៅបោះបាយ… បាយសម្រាប់ប្រេតទេ ព្រោះខ្ញុំឥតជឿ ។ ប៉ុន្តែបើទៅវត្ត ចាប់បាយអី សម្រាប់ដាក់ស្អីៗ…[គឺប្រតិបត្តិ]” ។

បន្ទាប់ពីពិធីចែកសញ្ញាប័ត្រ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់ ចាកចេញពីកម្ពុជា នៅព្រឹកថ្ងៃទី១១ ខែកញ្ញា នេះផងដែរ ដើម្បីអញ្ជើញទៅចូលរួមពិធីតាំងពិព័រណ៍ចិន-អាស៊ាន លើកទី១៤ ពីថ្ងៃទី១១ ដល់ថ្ងៃទី១៣ ខែកញ្ញា ឆ្នាំ២០១៧ នៅទីក្រុងណាន និងខេត្តក្វាងស៊ី សាធារណរដ្ឋប្រជាមានិតចិន តបតាមការអញ្ជើញរបស់រដ្ឋាភិបាលចិន ៕

The post សម្តេចតេជោ ៖ ខ្ញុំឥតជឿថាមានប្រេតឡើងមកស៊ីបាយ… appeared first on Koh Santepheap Daily.

ខេត្តស្ទឹងត្រែង ៖ ប្រធានមន្ទីរកសិកម្មថា ខេត្តស្ទឹងត្រែងក្រោមការគាំទ្រថវិកាពីសហគមន៍អ៉ីរ៉ុប ផ្តើមបានបើកវគ្គបង្រៀន បច្ចេកទេសបង្កាត់ពូជ និងចិញ្ចឹមគោ ទៅជាសហគ្រាសផលិតគោមួយពិតប្រាកដ ដើម្បីធានាបានគុណភាពសាច់ល្អសម្រាប់ផ្គត់ផ្គង់លើទីផ្សារ ។

លោក លៀង សេង ប្រធានមន្ទីរកសិកម្មខេត្ត បានបញ្ជាក់ថា មន្ទីរបានសហការជាមួយអគ្គនាយកដ្ឋានផលិតកម្ម និងបសុព្យាបាល ដើម្បីសិក្សាលើបច្ចេកទេសចិញ្ចឹម និងបង្កាត់ពូជគោ តាមបែបសុបនិម្មិត ដោយគ្រាន់តែយកស្ពែមពូជគោ ពីក្រុមហ៊ុនហ៊ងអាញយ៉ាឡាយ ឬត្រូវជ្រើសរើសពូជគោក្នុងស្រុក មកដាក់ស្ពែមបញ្ចូល ទើបបង្កាត់បានពូជគោល្អ ។

លោកបន្តថា ដំណើរការនេះអាចជួយដល់កសិករឲ្យទទួលបានប្រយោជន៍២យ៉ាង គឺបង្កាត់បានគោមេពូជល្អ ហើយគោសាច់នាំចេញទៅរកទីផ្សារលក់ក៏ស្រួល ពីព្រោះយើងមានការគាំទ្រពីខាងក្រុមហ៊ុន ។

លោកបន្ថែមថា បច្ចុប្បន្ន យើងកំពុងចចារគ្នាជាមួយក្រុមហ៊ុនហ៊ងអាញយ៉ាឡាយ ដែលមានមេគោពូជល្អៗក្នុងការចិញ្ចឹមដោយឡែក គេមានគោលនយោបាយមួយការចិញ្ចឹមនេះ មានលក្ខណៈ ៥០+៥០ អញ្ជឹងប្រសិនជាបងប្អូនកសិករដែលមានលទ្ធភាពដាំស្មៅ ឬមានក្រោលត្រឹមត្រូវ គេនឹងអាចផ្តល់ជាលក្ខណៈគោពូជក្នុងការចិញ្ចឹមប្រវាស់ធ្វើជាកិច្ចសន្យារបស់កសិកម្ម តាមបែបសម័យថ្មីនេះ គឺយើងមានកុងត្រាត្រឹមត្រូវ យើងនឹងអាចធ្វើការអភិវឌ្ឍន៍បន្ថែម អញ្ជឹងការងារនេះយើងកំពុងធ្វើហើយ ។

លោក កោះ សុខ កសិករចិញ្ចឹមគោ ស្រុកនៅ ភូមិលើ សង្កាត់ស្រះឬស្សី ក្រុងស្ទឹងត្រែង បានគាំទ្រចំពោះបំណងល្អនេះពីព្រោះបរិមាណដែលយើងចិញ្ចឹមបាននោះ វាមានទីផ្សារត្រឹមត្រូវស្របច្បាប់ ហើយផ្នែកបច្ចេកទេសទៀតសោត យើងអាចយកមកបង្ហាត់បង្រៀនកូនចៅ ឬអ្នកផ្សេងទៀតឲ្យចេះតៗគ្នាបាន ។
លោកអះអាងថា ការចិញ្ចឹមគោសាមញ្ញធម្មតានេះ យើងគ្មានបច្ចេកទេសមែន តែវាអាស្រ័យទៅលើការថែទាំរបស់យើង ថាតើវាធន់ទៅនឹងជំងឺ ពេលបម្រែបម្រួលអាកាសធាតុយ៉ាងណា ហើយមួយវិញទៀត គោនៅក្នុងស្រុកវាមានទីផ្សារស្រួលលក់ពិសេសនៅក្នុងខេត្ត ដែលគោមួយក្បាលមានតំលៃរហូត៥០០ដុល្លារផងដែរ ។

គួរលឹកថា ៖ កាលពីខែវិច្ឆិកា ឆ្នាំ២០១៥ មន្ទីរកសិកម្ម និងអាជ្ញាធរខេត្ត បានសិក្សាការចិញ្ចឹកគោពូជនេះម្តងរួចមកហើយ តែមិនទាន់ទទួលបានជោគជ័យនៅឡើយ បច្ចុប្បន្នមានតែប្រជាពលរដ្ឋចិញ្ចឹមគោជាលក្ខណៈគ្រួសារលែងពាសវាលពាសកាល ខ្វះការថែរក្សា ខ្លះចូលមកក្នុងក្រុងធ្វើឲ្យប៉ះពាល់ដល់សណ្តាប់ធ្នាប់សាធារណៈ ។

មានការបញ្ចាក់ពីមន្ត្រីជំនាញថា ការនាំយកបច្ចេកទេសទំនើបមកបង្កើតឲ្យមានកសិដ្ឋានចិញ្ចឹមគោមួយទទួលបានជោគជ័យវាជាចំណែកមួយជួយជំរុញផ្នែកសេដ្ឋកិច្ចជាតិឲ្យរីកចំរើន ហើយបច្ចុប្បន្ន នៅខេត្តស្ទឹងត្រែងមានកសិករប្រមាណជាង១០គ្រួសារចិញ្ចឹមគោជាលក្ខណៈបែបសាមញ្ញមិនទាន់មានបច្ចេកត្រឹមត្រូវនៅឡើយទេ ក្នុងនោះមាននៅក្រុងស្ទឹងត្រែង និងស្រុកសេសាន ៕

The post មន្ទីរកសិកម្ម ៖ ខេត្តស្ទឹងត្រែងរៀបចំឲ្យមានការចិញ្ចឹមគោពូជ… appeared first on Koh Santepheap Daily.

ខេត្តបាត់ដំបង ៖ បុរសម្នាក់ក្នុងចំណោមបក្សពួក៣នាក់ ត្រូវកម្លាំងកងរាជអាវុធហត្ថឃាត់ខ្លួន កាលពីរសៀលថ្ងៃទី១០ កញ្ញា គឺក្រោយ៣ថ្ងៃដែលក្រុមនេះ បានធ្វើសកម្មភាពចូលផ្ទះអាជីវករម្នាក់ នៅភូមិអូរដាលើ ឃុំបឹងរាំង ស្រុកកំរៀង លួចយកគ្រឿងអលង្ការ និងទ្រព្យសម្បត្តិអស់ជាច្រើនទៀត។

មន្ត្រីកងរាជអាវុធហត្ថបានរាយការណ៍ថា ជនសង្ស័យរូបនេះ ឈ្មោះគៀត ចន ភេទប្រុសអាយុ៣៧ឆ្នាំ ជាកម្មករ រស់នៅចំណុចកើតហេតុខាងលើ ។ ជននេះ រួមជាមួយបក្សពួក២នាក់ទៀត បានធ្វើសកម្មភាពគាស់បន្ទប់ស្នាក់នៅរបស់អាជីវករម្នាក់ឈ្មោះល័ក្ខ លីណា ភេទប្រុស អាយុ២៨ឆ្នាំ នៅចំណុចខាងលើ ចូលលួចគ្រឿងអលង្ការ និងទ្រព្យសម្បត្តិមួយចំនួនទៀត កាលពីវេលារំលងអធ្រាត្រឈានចូលថ្ងៃទី០៧កញ្ញា លុះនៅរសៀលថ្ងៃទី១០កញ្ញា ទើបសមត្ថកិច្ចស្រាវជ្រាវឃាត់ខ្លួនជនសង្ស័យបានម្នាក់ ខណ:គួកន២នាក់ទៀតបានរត់គេចខ្លួន ។

បើតាមបណ្ដឹងជនរងគ្រោះឈ្មោះល័ក្ខ លីណា បានឲ្យដឹងថា ទ្រព្យសម្បត្តិដែលក្រុមជនសង្ស័យបានគាស់ទម្លុះទម្លាយចូលលួចយកទៅនោះរួមមាន ១-ខ្សែ.កមាស១ខ្សែ និងបន្តោងទម្ងន់២ដំឡឹង (តម្លៃ៣,៦០០ដុល្លារ) ២-ចិញ្ចៀនពេជ្រ១វង់ (តម្លៃ៣,៨០០ដុល្លារ) និង៣-ទូរស័ព្ទស៊េរីទំនើប២គ្រឿង ។ ជនរងគ្រោះបាននិយាយថា ក្រុមចោរបានចូលលួចទ្រព្យសម្បត្តិរបស់ខ្លួននៅក្នុងបន្ទប់ ខណ:ក្រុមគ្រួសារខ្លួនកំពុងដេកលក់ លុះព្រឹកឡើងទើបដឹង ហើយក៏រាយការណ៏ប្ដឹងទៅសមត្ថកិច្ចតែម្ដង។

បន្ទាប់ពីត្រូវឃាត់ខ្លួនជនសង្ស័យឈ្មោះគៀត ចន បានសារភាពថា ខ្លួនពិតជាបានចូលរួមជាមួយបក្សពួក២នាក់ទៀត ចូលលួចទ្រព្យសម្បតិ្តជនរងគ្រោះខាងលើនេះមែន។ បក្សពួក២នាក់ទៀតនោះ ម្នាក់ឈ្មោះស ឡូត អាយុ២៩ឆ្នាំ ជាអ្នកហៅម៉ូយតាក់ស៊ី និងម្នាក់ទៀត ឈ្មោះអូន អាយុប្រហែល៤០ឆ្នាំ ជាកម្មករមិនដឹងគេចខ្លួនទៅណាទេ ។ ជននេះនិយាយថា ក្រោយពីលួចបាន ខ្លួនបានចំណែកតិចតួចបំផុត គឺបានទូរស័ព្ទអាយហ្វូន១គ្រឿង និងខ្សែ.កមាសប្រវែង១តឹក លក់បានតម្លៃ៤,០០០បាត ក្រៅពីនេះ នៅលើឈ្មោះឡូត និងឈ្មោះអូនទាំងអស់ ។

លោកមុយ សាលិត មេបញ្ជាការមូលដ្ឋានកងរាជអាវុធហត្ថស្រុកកំរៀង បានឲ្យដឹងថា មន្ត្រីជំនាញរបស់លោកបានធ្វើការស្រាវជ្រាវរយៈពេល៣ថ្ងៃ ទើបកំណត់បាននូវមុខសញ្ញា និងឈានដល់ការឃាត់ខ្លួនបានម្នាក់ ។ រីឯ២នាក់ទៀតបានគេចខ្លួន។

The post ឱ្យរាង…! ទៅលួចទាំងអស់គ្នាបានចំណែកតិច ហើយប៉េអឹមចាប់ទៀត appeared first on Koh Santepheap Daily.

រាជធានីភ្នំពេញ ៖ តារាសម្តែង និងជាតារាចម្រៀង ទូច ស្រីលក្ខណ៍ បន្ទាប់ចេញពីកម្មវីធីខួបកំណើតខ្លួនឯងវិញ បានបើករថយន្តទៅបុកម៉ូតូមួយគ្រឿងពីក្រោយពេញទំហឹង បណ្តាលអ្នកជិះម៉ូតូខ្ទាតចេញរងរបួសរលាត់ដៃជើង រីឯម៉ូតូអូសជាប់ក្រោមកង់រថយន្តជិតកន្លះគីឡូម៉ែត្រ បង្កការភ្ញាក់ផ្អើលកាលពីវេលាម៉ោង០១ និង២០នាទីរំលងអធ្រាត្រ ឈានចូលថ្ងៃទី២៥ តុលា នេះ ស្ថិតនៅនៅទល់មុខបញ្ជាការដ្ឋានកងរាជអាវុធហត្ថក្រុងភ្នំពេញផ្លូវវ៉េងស្រេង ភូមិទ្រា សង្កាត់ស្ទឹងមានជ័យ ខណ្ឌមានជ័យ ។

ប្រភពពីកន្លែងកើតហេតុឱ្យដឹងថា គេបានឃើញបុរសរងគ្រោះជិះម៉ូតូម៉ាកហុងដាឌ្រីម ស៊េរីឆ្នាំ២០១២ ពណ៌ខ្មៅ ធ្វើដំណើរតាមផ្លូវវ៉េងស្រេងក្នុងទិសដៅពីកើតទៅលិច ។ ខណៈមកដល់ចំណុចកើតហេតុ ស្រាប់តែមានរថយន្តមួយគ្រឿងម៉ាកBMWX5 ពណ៌ប្រផះ ពាក់ស្លាកលេខភ្នំពេញ2AB-3288 បើកបរដោយស្ត្រីម្នាក់ដែលគេស្គាល់ថា ជាតារាទូច ស្រីលក្ខណ៍ ធ្វើដំណើរតាមផ្លូវ២១៧ ហៅផ្លូវចំការដូង ក្នុងទិសដៅពីត្បូងទៅជើង ។ លុះមកដល់ចំណុចកើតហេតុបានបួងចង្កូតបត់ឆ្វេងឡើងទៅផ្លូវវ៉េងស្រេង ក្នុងល្បឿនលឿន ក៏ជ្រុលទៅបុកនិងម៉ូតូដែលជិះដោយបុរសម្នាក់ចំពីក្រោយពេញទំហឹង បណ្តាលឱ្យអ្នកជិះម៉ូតូខ្ទាតចេញពីរថយន្តរងរបួសរលាត់ដៃរលាត់ជើងតិចតួច ។ ដោយឡែក រថយន្តបង្កវិញមិនបានឈប់ដោះស្រាយនៅកន្លែងកើតហេតុនោះទេ គឺបានបើករត់ចេញពីកន្លែងកើតហេតុ អូសម៉ូតូចូលក្រោមរថយន្តជិតកន្លះគីឡូម៉ែត្រ ទើបប្រជាពលរដ្ឋដែលឃើញហេតុការណ៍ ដេញឃាត់ទាំងរថយន្តនិងអ្នកបើកបាន ។

បើតាមពលរដ្ឋដែលដេញតាមរថយន្តឱ្យដឹងថា នៅពេលដែលឃាត់រថយន្តបានហើយ ពួកគាត់មានកំហឹងយ៉ាងខ្លាំង បម្រុងនឹងវាយអ្នកបើកបរ ដែលបើកបុកគេបើករត់បែបនេះណាស់ សំណាងល្អពេលដែលឃាត់រថយន្តបង្ក បានបែរជាអ្នកបើកបរជាស្ត្រីហើយជាតារាសម្តែងទៀត ទើបពួកគាត់ទប់អារម្មណ៍បានវិញ ។ ដោយសារតែស្ត្រីជាតារាសម្តែងរូបនោះ បានចេញពីរថយន្តមកសំពះសុំទោស និងប្រាប់ថា គាត់មិនមានចេតនាបើករថយន្តបុកគេហើយរត់ទេ ដោយសារតែគាត់ស្លន់ ទំរាំតែរថយន្តអស់ល្បឿនទើបឈប់បែបនេះ ។

ដោយឡែក អ្នកនាងបានបន្តទៀតថា រូបនាងមិនមានបំណងបើករថយន្តរត់គេចខ្លួនដូចពាក្យដែលបងប្អូនចោទប្រកាន់នោះទេ តែដោយសារតែរូបគាត់ស្លន់ពេកទើបជាន់ហ្វ្រាំងមិនទាន់ហើយបើករថយន្តអូសម៉ូតូជាប់ក្រោមរថយន្តបែបនេះ ។ ក្នុងហេតុការណ៍គ្រោះថ្នាក់ចរាចរណ៍នេះផងដែរ អ្នកនាង ទូច ស្រីលក្ខណ៍ ពេលដែលឮថា ប្រជាពលរដ្ឋប៉ុនប៉ងប្រើអំពើហិង្សាលើរូបគាត់ ក៏បានសំណូមពរចំពោះបងប្អូនប្រជាពលរដ្ឋទាំងអស់ មុននឹងមានរឿងអ្វីកើតឡើង មិនបានសួរនាំអោយបានច្បាស់លាស់នោះទេ ងាកឡើងអាងវ៉ៃ អាងទាត់ នេះជាទម្លាប់មិនល្អនោះទេ ។

The post តារាស្រី ទូច ស្រីលក្ខណ៍ ប៊ិះត្រូវព្រួតវាយទាំងកណ្តាលអធ្រាត្រ appeared first on Koh Santepheap Daily.

រាជធានីភ្នំពេញ ៖ ប្តីប្រពន្ធពីរនាក់កំពុងតែជិះម៉ូតូធ្វើដំណើរតាមផ្លូវក៏ស្រាប់តែមានម៉ូតូមួយគ្រឿងទៀត ជិះដោយបុរសម្នាក់បានជ្រុលទៅបុកពីក្រោយពេញទំហឹង ហេតុការណ៍នេះដែរកើតឡើងនៅវេលាម៉ោង៧យប់ថ្ងៃទី២៤ ខែតុលា ឆ្នាំ២០១៧ ជិតនឹងប៉ុស្តិ៍នគរបាលចាក់អង្រែក្រោម ផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុប្តីប្រពន្ធមួយគូបានជិះម៉ូតូម៉ាកស្កុបពី ពណ៌ស ស្លាកលេខ ភ្នំពេញ១FB-៥៤៣៩ ធ្វើដំណើរតាមផ្លូវក្នុងទិសដៅពីត្បូងទៅជើង ខណៈដល់ចំណុចកើតហេតុក៏ស្រាប់តែមានបុរសម្នាក់បានជិះម៉ូតូមួយគ្រឿងមិនចាំម៉ាកធ្វើដំណើរក្នុងទិសដៅស្របគ្នាព្រមទាំងបើកលឿន បានជ្រុលទៅបុកនឹងម៉ូតូដែលប្តីប្រពន្ធពីរនាក់បានជិះ និងបុកចំពីក្រោយពេញទំហឹងបណ្តាលឲ្យស្ត្រីជាប្រពន្ធ រងរបួសបាក់ភ្លៅខាងឆ្វេងធ្ងន់ ចំនែកបុរសជាប្តីរងរបួសរលាត់ដៃរលាត់ជើង រីឯម៉ូតូរងការខូចខាតតិចតួច ។

ដោយឡែកជនបង្កវិញបាន ជិះម៉ូតូរត់គេចខ្លួនបាត់ស្រមោល ក្រោយពេលកើតហេតុសមត្ថកិច្ចមូលដ្ឋានបានចុះទៅដល់កន្លែងកើតហេតុ រួចទំនាក់ទំនងហៅរថយន្តសង្គ្រោះរបស់មន្ទីរពេទ្យបង្អែកចាក់អង្រែ ដឹកជនរងគ្រោះទាំងពីរនាក់ប្តីប្រពន្ធ យកទៅសង្គ្រោះនៅមន្ទីរពេទ្យកាល់ម៉ែត្រ ។ ចំណែកម៉ូតូត្រូវបានសមត្ថកិច្ច យកទៅរក្សាទុកនៅប៉ុស្តិ៍នគបាលចាក់អង្រែក្រោម ដើម្បីរង់ចាំប្រគល់ឲ្យម្ចាស់វិញ ៕

The post គេជិះសុខៗសោះ បែរជាចង់មានរឿង appeared first on Koh Santepheap Daily.

រាជធានីភ្នំពេញ ៖ ក្មេងស្ទាវបីនាក់ត្រូវបានសមត្ថកិច្ចប៉ុស្តិ៍ទំនប់ទឹកឃាត់ខ្លួនយកទៅសាកសួរ បន្ទាប់ពីក្រុមក្មេងស្ទាវ ទាំងនោះបានជិះម៉ូតូដេញវាយគ្នាឡើងប្រសាចពេញផ្លូវ ពេលដែលសមត្ថកិច្ចជិះ ម៉ូតូដេញតាមឃាត់ត្រូវក្មេងស្ទាវនោះជិះម៉ូតូបុកសមត្ថកិច្ចម្នាក់ បណ្តាលឲ្យដួលរងរបួសផងដែរ ហេតុការណ៍បានកើតឡើងនៅវេលាម៉ោង១១យប់ ថ្ងៃទី២៤ ខែតុលា ឆ្នាំ២០១៧ ចំណុចស្តុបកៅដាយ ផ្លូវម៉ៅសេងទ សង្កាត់ទួលស្វាយព្រៃ២ ខណ្ឌចំការមន ឃាត់ខ្លួនបាននៅផ្លូវមុន្នីរ៉េត សង្កាត់ទំនប់ទឹក ខណ្ឌចំការមន ។

ក្រុមក្មេងស្ទាវដែលសមត្ថកិច្ចឃាត់បានមានឈ្មោះ ១.លន លុច ភេទប្រុស ស្នាក់នៅផ្ទះជួល ភូមិឬស្សី សង្កាត់ស្ទឹងមានជ័យ ខណ្ឌមានជ័យ ២.ទន់ សូលី មុខរបរជាងដែក ស្នាក់នៅផ្ទះជួល សង្កាត់ស្ទឹងមានជ័យ ខណ្ឌមានជ័យ និង៣.វ៉ានី ស៊ីណេង ភេទប្រុស មុខរបរជាងដែក ស្នាក់នៅភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ ដកហូតម៉ូតូម៉ាកវ៉េវ ពណ៌ខ្មៅ ពាក់ស្លាកលេខ ភ្នំពេញ ១J-៦៩០៤ មួយគ្រឿង ព្រមទាំងខ្សែក្រវាត់មួយ ជារបស់ក្មេងស្ទាវទាំងនោះ ។

តាមសម្តីសមត្ថកិច្ចខណ្ឌចំការមន បានឲ្យដឹងថា មុននៅមុនពេលកើតហេតុ ពួកគាត់បានធ្វើការល្បាតក្នុងមូលដ្ឋាន ដើម្បីទប់ស្កាត់បទល្មើសផ្សេងៗ ខណៈពេលនោះក៏ស្រាប់តែប្រទះឃើញក្រុមក្មេងស្ទាវចំនួន២ក្រុម គ្នាជាង១០នាក់ មានស្រីមានប្រុស ជិះម៉ូតូ៥ទៅ៦គ្រឿង បានធ្វើសកម្មភាពដេញវាយគ្នា នៅត្រង់ចំណុចស្តុបកៅដាយ ឃើញមានក្មេងស្ទាវកាន់ខ្សែក្រវាត់គ្រប់ដៃ កម្លាំងសមត្ថកិច្ចខណ្ឌចំការមន បានសហការគ្នាដេញតាមឃាត់ខ្លួន ក៏ស្រាប់តែមានបុរសម្នាក់ក្នុងចំណោមបីនាក់ ដែលឃាត់ខ្លួនបានជិះម៉ូតូបំបុកកម្លាំងនគរបាលប៉ុស្តិ៍ទំនប់ទឹកម្នាក់ បណ្តាលឲ្យដួលរងរបួសផងដែរ ។ បន្ទាប់ពីបុកសមត្ថកិច្ចហើយ ពួកក្មេងស្ទាវទាំងនោះបានព្យាយាមរត់គេចខ្លួន តែត្រូវបានកម្លាំងសមត្ថកិច្ច ឃាត់បានចំនួនបីនាក់ និងម៉ូតូមួយគ្រឿង យកទៅសាកសួរនៅប៉ុស្តិ៍នគរបាលទំនប់ទឹក ។

នៅពេលសមត្ថកិច្ចសាកសួរក្រុមក្មេងស្ទាវទាំងនោះ និយាយកុហកសមត្ថកិច្ចថា មានភាគីម្ខាងទៀតជាអ្នកដេញវាយពួកគេមុន តែពេលសមត្ថកិច្ចប្រជំនាញក្នុងការសាកសួរ ក្រុមក្មេងស្ទាវទាំងបីនាក់នោះទើបសារភាពថា ពួកគេគឺជាអ្នកដេញវាយគេមុនទៅវិញទេ ហើយពួកគេទើបចេញមកពីលេងនៅកោះពេជ្រ ព្រមទាំងមានបក្ខពួក៦នាក់ ជិះម៉ូតូចំនួនបីគ្រឿងថែមទៀតផង ។ ក្រោយពេលកើតហេតុ បន្ទាប់ពីសាកសួរក្មេងស្ទាវទាំងបីនាក់ ត្រូវបានសមត្ថកិច្ចកសាងសំណុំរឿង បញ្ជូនទៅអធិការដ្ឋានខណ្ឌចំការមន ដើម្បីចាត់ការបន្ត ៕

The post ក្មេងស្ទាវ២ក្រុមដេញវ៉ៃគ្នាប្រសាចពេញ ថែមទាំងបើកម៉ូតូបំបុកប៉ូលិសទៀត appeared first on Koh Santepheap Daily.

ខេត្តបន្ទាយមានជ័យ ៖ កាលពីវេលាម៉ោង៤និង៤៥នាទីទៀបភ្លឺថ្ងៃទី២៤ ខែតុលា ឆ្នាំ២០១៧ គេប្រទះឃើញសពបុរសវ័យចំណាស់ម្នាក់នៅភូមិថ្មីត្បូង ឃុំភូមិថ្មី ស្រុកថ្មពួក ខេត្តបន្ទាយមានជ័យ បានធ្វើអត្តឃាតខ្លួនឯងដោយចង.ក ។

មន្ត្រីនគរបាលមូលដ្ឋានបានឲ្យដឹងថា បុរសដែលស្លាប់ឈ្មោះ លន់ ឡុញ អាយុ៥២ឆ្នាំ ជាប្រជាពលរដ្ឋរស់នៅភូមិថ្មីខាងត្បួង ឃុំភូមិថ្មី ស្រុកថ្មពួក ។ មុនពេលកើតហេតុបុរសខាងលើបានដេកនៅនឹងផ្ទះក្រោយមកបានបាត់ខ្លួនមិនដឹងដើរទៅណាលុះដល់ម៉ោង៤និង៤៥នាទីទាបភ្លឺឈានចូលដល់ថ្ងៃទី២៤ ខែតុលា ឆ្នាំ២០១៧ ស្រាប់តែឃើញសពចង.ក និងខ្សែនីឡុងនៅនឹងដើមទឹកដោះគោក្បែរផ្ទះ ។ បើតាមការសាកសួរពីក្រុមគ្រួសារបានប្រាប់សមត្ថកិច្ចថា ឈ្មោះ លន់ ឡុញ មានជម្ងឺឈឺរ៉ាំរ៉ៃយូរមកហើយមើលមិនជាដោយតូចចិត្តក៏សុខចិត្តធ្វើអត្តឃាតខ្លួនឯង ។

មន្ត្រីនគរបាលបានឲ្យដឹងទៀតថា ក្រោយពីទទួលបាននូវព័ត៌មាននេះភ្លាមកម្លាំងនគរបាលជំនាញសហការជាកម្លាំងប៉ុស្តិ៍ អាជ្ញាធរភូមិ-ឃុំ ចុះដល់កន្លែងកើតហេតុ និងបានបង្កើតក្រុមការងារដើម្បីត្រួតពិនិត្យសព ។ តាមការពិនិត្យឃើញថា បុរសរូបនេះគឺពិតជាចង.កធ្វើអត្តឃាតខ្លួនឯងប្រាកដមែនមិនពាក់រឿងឃាតកម្មនោះឡើយ ។ ក្រោយពីក្រុមការងារត្រួតពិនិត្យរួចបានប្រគល់ជូនក្រុមគ្រួសារធ្វើបុណ្យតាមប្រពៃណី ៕

The post យប់ដេកនៅផ្ទះសោះស្រាប់តែបាត់ខ្លួនមិនដឹងទៅណាលុះឃើញភ្ញាក់ព្រើត appeared first on Koh Santepheap Daily.

រាជធានីភ្នំពេញ ៖ អតីតតារាចម្រៀងនាង អ៊ុំ គន្ធា ដ៏ក្រីក្រកម្សត់កន្លងមកត្រូវបានគណៈបញ្ជាការឯកភាពខណ្ឌឫស្សីកែវ ឃាត់ខ្លួនកាលពីវេលាម៉ោង១០និង៣០នាទីព្រឹកថ្ងៃទី២៤ តុលា ខណៈពេលដែលសមត្ថកិច្ចចម្រុះចុះទៅបង្ក្រាបទីតាំងល្បែងហ្គេមបាញ់ត្រីនៅចំណុចផ្ទះគ្មានលេខ លើលូទឹកស្អុយភូមិបាក់ទូក សង្កាត់ទួលសង្កែ១ ខណ្ឌឫស្សីកែវ ។ ក្រៅពីនាង អ៊ុំ គន្ធា នៅមានមនុស្ស២នាក់ទៀត ត្រូវបានឃាត់ខ្លួន ។

ប្រតិបត្តិការបង្ក្រាបទូហ្គេមនេះដឹកនាំដោយលោក ប្រាជ សីហា អភិបាលរងខណ្ឌ ឫស្សី កែវ និងមានការចូលរួមសម្របសម្រួលដោយលោក គុជ គឹមឡុង ព្រះរាជអាជ្ញារងអមសាលាដំបូងរាជធានី ។ នៅក្នុងប្រតិបត្តិការនេះ មនុស្សចំនួន ៣នាក់ ត្រូវបានឃាត់ខ្លួន ក្នុងនោះមានស្រី២នាក់និងប្រុសម្នាក់ គិតទាំងអតីតតារាចម្រៀងនាង អ៊ុំ គន្ធា ត្រូវបានឃាត់ខ្លួនផងដែររួមជាមួយទូហ្គេមបាញ់ត្រីចំនួន២គ្រឿងត្រូវបានដកហូត ។ ម្ចាស់ផ្ទះបើកហ្គេមឈ្មោះ ទិន យូឡុង ភេទប្រុស អាយុ៦០ឆ្នាំ ។

តាមព័ត៌មានឱ្យដឹងថា ផ្ទះបើកហ្គេមនេះបានដំណើរការជាយូរមកហើយ ដោយមានលួចលាក់ប្រើប្រាស់គ្រឿងញៀនផងដែរ ។ នៅពេលដែលសមត្ថកិច្ចចុះទៅបង្ហ្រាប គេឃើញអតីតតារាចម្រៀងរូបនោះគឺអ្នកនាង អ៊ុំ គន្ធា បានរត់ចុះទៅពួនសម្ងំលាក់ខ្លួននៅក្នុងបន្ទប់ក្រោមដី ហើយត្រូវបានកម្លាំងកងរាជអាអាវុធហត្ថចុះទៅនាំខ្លួនរួមជាមួយមនុស្ស២នាក់ទៀត ។ រឿងដែលគួរឱ្យកត់សម្គាល់នោះ ពេលសមត្ថកិច្ចនាំចេញមកក្រៅ គេឃើញនាងអង្គុយលុតជង្គង់សំពះដ៏គួរឱ្យអាណិតក្រៃលែង មិនគួរធ្លាក់ខ្លួនទៅប្រឡូកក្នុងវង់ល្បែងហ្គេមបែបនេះទេ ។ ទោះបីជាយ៉ាងណា គេមិនដឹងថាអតីតតារាចម្រៀងរូបនេះ នៅផ្ទះហ្គេមនោះធ្វើអ្វីឡើយ តែអ្នកខ្លះថាគាត់ទៅលេងហ្គេម ។ ទោះបីបែបនេះក្តី តាមគេហទំព័រខ្លះបានផ្សាយថា នាងពាក់ព័ន្ធនឹងគ្រឿងញៀន ។

ទាក់ទិននឹងករណីនេះអាជ្ញាធរខណ្ឌបានប្រាប់កោះសន្តិភាពថា អតីតតារាចម្រៀងនាង អ៊ុំ គន្ធា តាមមើលទៅបានក្លាយទៅជាមនុស្សដែលមានសតិមិនប្រក្រតីទៅហើយ និងហាក់មានស្មារតីមិនល្អឡើយ ឆាប់ភ័យ តក់ស្លុត និងស្រែកយំ ដែលសមនឹងអាណិតមែន ។តាមសមត្ថកិច្ចបានឱ្យដឹងថា អតីតតារាចម្រៀងដែលធ្លាក់ខ្លួនលំបាកវេទនារូបនោះបានប្រាប់ថា គាត់បានមករកជួលផ្ទះស្នាក់នៅក្បែរនោះ ពេលសមត្ថកិច្ចមកដល់ក៏ឃាត់ខ្លួនតែម្តង ដោយសារគាត់ភ័យក៏រត់ទៅពួននឹងគេទៅ ។

អតីតតារាចម្រៀងរូបនេះរួមទាំងអ្នកលេងហ្គេមចំនួន២នាក់ទៀតត្រូវបាននាំខ្លួនទៅកាន់សាលាខណ្ឌឫស្សីកែវ ។ នៅរសៀលថ្ងៃដដែលនេះនាង អ៊ុំ គន្ធា ត្រូវបានរដ្ឋបាលខណ្ឌណែនាំឱ្យធ្វើកិច្ចសន្យា ព្រមទាំងបានជួយអប់រំនិងដោះបានលែងនាងវិញហើយ ៕

The post អតីតតារាចម្រៀងសិចស៊ី អ៊ុំ គន្ធា អង្គុយលុតជង្គង់សំពះ appeared first on Koh Santepheap Daily.

រាជធានីភ្នំពេញ ៖ អង្គភាពប្រឆាំងអំពើពុករលួយ (ACU) បានបើកសិក្ខាសាលាលើកទី៤ ប្រឆាំងការសម្អាតលុយកង្វក់នៅកម្ពុជា នៅព្រឹកថ្ងៃទី២៥ ខែតុលា ឆ្នាំ២០១៧ ទីដែលលោកទេសរដ្ឋមន្ត្រី ឱម យិនទៀង ប្រធានអង្គភាព ACU បានថ្លែងទៅកាន់អ្នកចូលរួមដែលមកពីតំណាងធនាគារពិភពលោក មន្ត្រីតុលា (ចៅក្រម ព្រះរាជអាជ្ញា) នគរបាលក្រសួងមហាផ្ទៃ និងមន្ត្រីតាមក្រសួងមន្ទីរនានាចូលរួមនៅសណ្ឋាគារឡឺរ៉ូរ៉ាល់ ក្នុងទីក្រុងភ្នំពេញ ថា «លុយកង្វក់បានមកពីអំពើឧក្រិដ្ឋរួមមានដូចជា ការជួញដូរមនុស្ស គ្រឿងញៀន ការលក់ព្រៃឈើ» ជាដើម។

សូមបញ្ជាក់ថា សិក្ខាសាលាប្រឆាំងការសម្អាតលុយខ្មៅនេះ មានរយៈពេលបីថ្ងៃ គិតចាប់ពីថ្ងៃទី២៥ ដល់ថ្ងៃទី២៨ ខែតុលា២០១៧។

The post ប្រធាន ACU ៖ លុយកង្វក់ភាគច្រើនមកពីអំពើឧក្រិដ្ឋកម្ម appeared first on Koh Santepheap Daily.

ខេត្តប៉ៃលិន ៖ រហូតមកដល់ពេលនេះ គំនរសំរាមជាច្រើន ដែលអាជីវករលក់ដូរនៅក្នុងផ្សារសាមគ្គី ហៅប៉ាហ៊ី យកទៅដាក់បង្គរនៅក្បែរផ្សារ ស្ថិតក្នុងភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន រហូតមកដល់រសៀលថ្ងៃទី២៤ ខែតុលា ឆ្នាំ២០១៧ បានបញ្ចេញក្លិនស្អុយខ្លាំង ធ្វើឱ្យម្នាក់ៗទ្រាំលែងបាន ក៏ខឹងសម្បារនឹងម្ចាស់ក្រុមហ៊ុន ដែលអត់ឃើញយករថយន្តចូលទៅដឹកសម្រាមយកទៅចោល ។

អាជីវករលក់ដូរនៅក្បែរគំនរសំរាមបានឱ្យដឹងថា អស់រយ:ពេល២ទៅ៣ថ្ងៃមកហើយ ដែលមេការក្រមហ៊ុនអនាម័យខេត្តប៉ៃលិន អត់បានយករថយន្តដឹកសម្រាមយកទៅចាក់ចោល ដែលធ្វើឱ្យប៉ះពាល់ធ្ងន់ធ្ងរ ដល់ការដកដង្ហើមរបស់ពួកគាត់ ដែលលក់ដូរនៅក្បែរនោះ ហើយក៏ជះក្លិនស្អុយដល់ប្រជាពលរដ្ឋរស់នៅក្បែរផ្សារផងដែរ ។ ប្រភពបន្តទៀតថា ដោយសារតែមានបញ្ហាក្លិនស្អុយខ្លាំងពេក លំបាកក្នុងការលក់ដូរ ធ្វើឱ្យពួកគាត់មួយចំនួនបិទតូបលក់ដូរជាបណ្តោះអាសន្ន រហូតដល់ក្រុមហ៊ុនយករថយន្តទៅដឹកសំរាមចាក់ចោល ទើបបើកតូបលក់បន្តទៀត ។ ប៉ុន្តែអ្វីដែលសំខាន់ ធ្វើឱ្យពួកគាត់ឈឺក្បាលវិលមុខ មិនអាចទ្រាំលក់ដូរនៅក្បែរ សម្រាមដែលស្អុយនេះបានទេ ហើយចំណែកប្រជាពលរដ្ឋដែលចូលទៅទិញម្ហូបអាហារ ក៏មិនចង់ទៅក្បែរកន្លែងនោះដែរ ។

ចំណែកប្រជាពលរដ្ឋដែលចូលទៅទិញម្ហូបអាហារ និងអ្នកបើកបរម៉ូតូតាមផ្លូវក្បែរកន្លែងគំនរសំរាម នេះធ្វើការរិះគន់ទៅលើអ្នកមៅការសំរាមថា ពិតជាធ្វេសប្រហែសក្នុងការដឹកសម្រាមយកទៅចាក់ចោល ធ្វើឱ្យជះក្លិនស្អុយស្ទើរពេញផ្សារ លំបាកក្នុងការដកដង្ហើម ហើយក៏អាចធ្វើឱ្យប៉ះពាល់ដល់សុខភាពផ្លូវដង្ហើម និងបង្កទៅជាជំងឺរោគាផងដែរ ។ ពួកគាត់ម្នាក់ៗ មិនចង់ធ្វើដំណើរតាមផ្លូវនោះទេ ព្រោះស្អុយខ្លាំងរហូតដល់ ទ្រាំលែងបានតែម្តង ។

លោក ណុប សាលុច មន្ត្រីបរិស្ថានខេត្តប៉ៃលិន បានឱ្យដឹងថា ការរាំងស្ទះក្នុងការដឹកសំរាមយកទៅចាក់ចោល ពិតជាបង្កផលប៉ះពាល់ខ្លាំងដល់សុខភាពអាជីវករ និងប្រជាពលរដ្ឋរស់នៅក្នុងផ្សារសាមគ្គី ព្រមទាំងអ្នកធ្វើដំណើរឆ្លងកាត់ ។ ដូច្នេះសូមឱ្យខាងសារព័ត៌មាន ជួយផ្សព្វផ្សាយ ដើម្បីឱ្យម្ចាស់ក្រុមហ៊ុនអនាម័យយកចិត្តទុកដាក់ក្នុងការប្រមូលសំរាមយកទៅបោះចោលឱ្យបានទាន់ពេលវេលា ។

ពាក់ព័ន្ធទៅនឹងបញ្ហានេះ លោក ស៊ុន យី អភិបាលក្រុងប៉ៃលិន បានឱ្យដឹងថា ពីមុនក្រុមហ៊ុនដឹកសំរាមមួយនេះ យកចិត្តទុកដាក់ក្នុងការប្រមូលសំរាម យកទៅចាក់ចោលនៅទីលានចាក់សំរាម ។ ប៉ុន្តែរហូតមកដល់ពេលនេះ បែរជាទុកសំរាមចោលបង្កទៅជាក្លិនស្អុយ ខាងលោកនឹងទាក់ទងសួរនាំ ដើម្បីឱ្យយកទៅចាក់ចោលជាប្រញាប់ កុំឱ្យបន្តប៉ះពាល់ដល់ប្រជាបលរដ្ឋ ។

ចំណែកលោក សែប សារ៉ាន់ ហៅចិន ជាមេការក្រុមហ៊ុនដឹកសំរាមអនាម័យខេត្តប៉ៃលិន បានឱ្យដឹងថា ខាងលោកតែងតែដើរយកសំរាមជាប់ជានិច្ច ប៉ុន្តែដោយសាររថយន្តដឹកសំរាមខូច ទើបចូលទៅដឹកសំរាមក្នុងផ្សារអត់ទាន់ ក៏បណ្តាលឱ្យស្អុយបែបនេះតែម្តង ។ លោកបន្តទៀតថា ប្រហែលជានៅយប់បន្តិច បន្ទាប់ពីខាងលោកជួសជុលរថយន្តរួចរាល់ នឹងចូលទៅប្រមូលសំរាមដែលនៅសេសសល់ទាំងអស់នោះភ្លាមៗ មិនឱ្យបង្កផលប៉ះពាល់ដល់ប្រជាពលរដ្ឋឡើយ ៕

The post សំរាមគរនៅជុំវិញផ្សារ បង្កជាក្លិនស្អុយផលប៉ះពាល់អាជីវករ និងភ្ញៀវទេសចរ appeared first on Koh Santepheap Daily.