ខេត្តប៉ៃលិន ៖ ជនសង្ស័យម្នាក់បានធ្វើសកម្មភាពចង់ចាប់រំលោភសេពសន្ថវៈទៅលើក្មេងស្រីម្នាក់ ខណៈម្តាយឪពុកអត់នៅផ្ទះ លុះឃើញកូនស្រីរបស់គេនៅផ្ទះម្នាក់ឯងក៏ចូលទៅនិយាយល្បួង លុះអ្នកជិតខាងឃើញក៏ស្រែកឆោឡោផ្អើលរត់គេចខ្លួនបាត់ស្រមោល ។ ទើបក្រោយមកម្តាយរបស់ក្មេងស្រីរងគ្រោះដាក់ពាក្យបណ្តឹងទៅប៉ុស្តិ៍នគរបាលតែម្តង ។
ហេតុការណ៍នេះបានកើតឡើង កាលពីវេលាម៉ោង៣និង០០នាទីរសៀល ថ្ងៃទី០៦ ខែវិច្ឆិកា ឆ្នាំ២០១៨ ប៉ុស្តិ៍នគរបាលរដ្ឋបាលឃុំស្ទឹងកាច់បានទទួលពាក្យបណ្តឹងពីម្តាយនាងបានមកប្តឹងពីករណីប៉ុនប៉ងរំលោភសេពសន្ថវៈទៅលើកូនស្រីរបស់ខ្លួន កាលពីវេលាម៉ោង៥និង១០នាទីល្ងាចថ្ងៃទី០៥ ខែវិច្ឆិកា ឆ្នាំ២០១៨ ។
ប្រភពព័ត៌មានបានឱ្យដឹងថា ជនរងគ្រោះមានអាយុ១៣ឆ្នាំ មានទីស្រុកសាលាក្រៅ ។ ចំណែកជនបង្កមានឈ្មោះ ឆឿយ ឆប ភេទប្រុស អាយុ២៣ឆ្នាំ រស់នៅស្រុកកើតហេតុខាងលើបានរត់គេចខ្លួន ។ បច្ចុប្បន្នជំនាញនៃអធិការដ្ឋាននគរបាលស្រុកសាលាក្រៅ កំពុងធ្វើការស៊ើបអង្កេតស្រាវជ្រាវតាមរកជនសង្ស័យយកមកផ្តន្ទាទោសតាមផ្លូវច្បាប់ ៕
The post ឃើញម្តាយនាងមិននៅក៏ចង់ល្បូងធ្វើអីៗ ស្រាប់តែ… appeared first on Koh Santepheap Daily.
ហេតុការណ៍នេះដែរបានកើតឡើងកាលពីវេលាម៉ោង១០នឹង១៥នាទីយប់ថ្ងៃទី៦ ខែវិច្ឆិកា នៅតាមបណ្តោយផ្លូវ៣៧៤កែងនឹងផ្លូវ១៧៣ សង្កាត់ទួលស្វាយព្រៃ២ ខណ្ឌចំការមន។
រថយន្តបង្កជាប្រភេទរថយន្តកូរ៉េដឹកអីវ៉ាន់ធន់តូច ពណ៌ស បើកបរដោយបុរសម្នាក់ និងបុរសម្នាក់ទៀតជាអ្នករួមដំណើរ ។ ចំណែកម៉ូតូរងគ្រោះម៉ាក អឹមអេសអិច ពណ៌សលាយខ្មៅ ពាក់ស្លាកលេខ ភ្នំពេញ ១FA-៤០៩៦បើកបរដោយបុរសម្នាក់ បានរងរបួសធ្ងន់ម្នាក់ រីឯម្នាក់ទៀតជាអ្នករួមដំណើរបានរងរបួសស្រាលម្នាក់។
ប្រភពព័ត៌មានពីរជនរងគ្រោះបានប្រាប់អោយដឹងថា មុនកើតហេតុ គឺពួកគាត់បានជិះម៉ូតូមួយគ្រឿងជាមួយមិត្តភក្ដិ ធ្វើដំណើរតាមបណ្ដោយផ្លូវ១៧៣ ទិសដៅពីកើតទៅលិច លុះមកដល់ចំណុចផ្លូវបំបែកជាបួន ស្រាប់តែមានរថយន្តមួយគ្រឿងខាងលើ បើកបរតាមផ្លូវ៣៧៤ ឆ្លងកាត់ផ្លូវ១៧៣ ក្នុងទិសដៅពីត្បូងទៅជើងបានបុកចំពាក់កណ្តាលម៉ូតូពួកគាត់ពេញទំហឹងបណ្តាលអោយប៉ើងទាំងអ្នកបើកបរម៉ូតូ និងអ្នករួមដំណើរបោកផ្ទប់នឹងកញ្ចក់រថយន្តរងបួសអ្នកបើកបរម៉ូតូសន្លប់ស្តូកស្តឹង នឹងម្នាក់ទៀតជាអ្នករួមដំណើរបានរលាត់ដៃជើងចេញឈាមរងរបួសស្រាល ។
ចំណែកម៉ូតូបានកៀបជាប់ក្រោមរថយន្តរងការខូចខាតស្ទើរតែទាំងស្រុង ភ្លាមៗរថយន្តបង្កមិនបានឈប់ដោះស្រាយទេ បានព្យាយាមបើករត់គេចខ្លួន ទាំងម៉ូតូនៅក្រោមរថយន្ត បង្កជាភ្ញាក់ផ្អើលពេញដងផ្លូវ លុះបើកបានជាង៥០០ម៉ែត្រ មកដល់ប៉ុស្តិ៍២៤ម៉ោង ក្នុងសង្កាត់ទួលស្វាយព្រៃ២ ក៏ត្រូវបានកម្លាំងសមត្ថកិច្ចប៉ុស្តិ៍ឃាត់ជាប់ទាំងរថយន្ត និងអ្នកបើកបរ ប្រគល់ទៅអោយខាងជំនាញចរាចរណ៍ ដោះស្រាយបន្ត។
ភ្លាមៗបន្ទាប់ពីកើតហេតុ ជនរងគ្រោះត្រូវបានរថយន្តសង្គ្រោះរបស់គ្លីនិកឯកជន ដឹកយកទៅសង្គ្រោះភ្លាមៗ ចំណែកឯម៉ូតូរងគ្រោះនិងរថយន្តត្រូវកម្លាំងសមត្ថកិច្ចមូលដ្ធានប្រគល់ទៅអោយសមត្ថកិច្ចជំនាញចរាចរផ្លូវគោកនៃស្នងការដ្ឋាន នគរបាលរាជធានីភ្នំពេញ ធ្វើការវាស់វែង នឹងយកទៅរក្សាទុកបណ្តោះអាសន្ន រង់ចាំដោះស្រាយគ្នានៅពេលក្រោយ ៕
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យបានប្រាប់ថា ជាការយកចិត្តទុកដាក់ពីសុខភាពបងប្អូនប្រជាពលរដ្ឋមន្ត្រីសាខាកាំកុងត្រូលខេត្តសហការជាមួយមន្ត្រីពាណិជ្ជកម្មខេត្តបានចុះផ្សព្វផ្សាយ និងពិនិត្យរកទំនិញខូចគុណភាព និងហួសកាលបរិច្ឆេទនៅផ្សារហ៊ុយឡេងសឿរ ។
លោកបានបញ្ជាក់ថា ក្រោយពេលដែលចុះពិនិត្យទំនិញដូចជា មីសួរ គុយទាវ សណ្តែកបណ្តុះ និងសាច់ក្រក ខ្វារគោ ប្រហិតសាច់គោ ចាហួយខ្មៅ លូតស្វិត បាញ់ឌុក និងទំនិញ មូយចំនួនទៀតក្រោយពេលពិនិត្យរកឃើញមានសារធាតុគីមីតិចតួច ហើយដកហូតទំនិញហួសការបរិច្ឆេទ និងខូចគុណភាពមានទឹកក្រូចចំណុះ៣លីត្រ៤ដប ទឹកក្រូច១លីត្រកន្លះ១០ដប ។
លោក សាន វិជ្ជាសារ៉ាវុធ បានណែនាំដល់អាជីវករលក់គ្រឿងសំអាងមានម្ស៉ៅលាយ ឡេលាយត្របញ្ចប់សកម្មលាយលក់ធ្វើអោយប៉ះពាល់សុខភាពត្រូវបញ្ឈប់រាល់សកម្មភាពដំបូងណែនាំ និងអប់រំ បើមានលើកក្រោយ និងចាត់ការតាមវិធានការច្បាប់ ។
លោកបាបញ្ជាក់ថា ជាការណែនាំពីរដ្ឋមន្ត្រីក្រសួងពាណិជ្ជកម្ម និងអគ្គនាយកដ្ឋានកាំកុងត្រូលហើយមន្ត្រីជំនាញបានធ្វើការទប់ស្កាត់នៅច្រកទ្វារអន្តរជាតិប៉ោយប៉ែត និងច្រកតំបន់ព្រំដែននិងច្រករបៀងខុសច្បាប់ ។
ស្ត្រីជាម្ចាស់ផ្ទះ ឈ្មោះ ប៉ែន ស៊ីរ៉ា អាយុ៥១ឆ្នាំ បានរៀបរាប់ថា លំនៅឋានរបស់គាត់មួយខ្នងនេះ គឺទើប
ស្រុកឆ្លូងជាស្រុកមួយដែលមានទីតាំងលាតសន្ធឹងជាប់តាមដងទន្លេមេគង្គ ទើបធ្វើឲ្យស្រុកមួយនេះ តែងតែប្រឈមទៅការបាក់ច្រាំងនារដូវទឹកសម្រក ។ ទន្ទឹមនឹងការតាំងទីលំនៅរបស់ពលរដ្ឋ មានចំនួនច្រើននៅតាមច្រាំងទន្លេ ទើបរាល់ឧប្បត្តិហេតុបាក់ច្រាំងទន្លេ តែងតែបង្កជាមហន្តរាយ ដល់លំនៅឋានរបស់ពួកគាត់ជាបន្តបន្ទាប់ ។
ការបាក់ច្រាំងទន្លេ ដែលបង្កជាមហន្តរាយធ្ងន់ធ្ងរនៅកាលណោះ ត្រូវបានអាជ្ញាធរខេត្តអះអាងថា បណ្តាលមកពីស្ថានភាពការហូរច្រោះទឹកភ្លៀង ។ តែយ៉ាងណាការបាក់ច្រាំងទន្លេដែលទើបតែកើតមានសារជាថ្មីជាបន្តបន្ទាប់នារយៈពេលចុងក្រោយនេះ ត្រូវអ្នកខ្លះចោទថា បណ្តាលមកពីការបូមខ្សាច់និងក្រួស ប៉ុន្តែក៏មានអ្នកខ្លះថាបណ្តាលមកពីគ្រោះធម្មជាតិទឹកធំ ៕
នារីវ័យក្មេងម្នាក់នេះ បានធ្វើដំណើរមកលោតទឹកសម្លាប់ខ្លួន ដែលហេតុការណ៍ប៉ុនប៉ងធ្វើអត្តឃាតនេះបង្កឲ្យមានការភ្ញាក់ផ្អើលកាលពីវេលាម៉ោង១២ និង៤០នាទីរសៀលថ្ងៃទី៧ វិច្ឆិកា នៅលើស្ពានបេឡេត៍ស្ថិតនៅក្នុងភូមិមិត្តភាព សង្កាត់ឫស្សីកែវ ខណ្ឌឫស្សីកែវ ។ នារីដែលមានវិបត្តិរូបនោះ ត្រូវបាននគរបាលឲ្យដឹងថា ឈ្មោះ ស្រី ណុច អាយុ១៨ឆ្នាំ ជាបុគ្គលិកលក់សំបុត្ររថយន្តក្រុងរបស់សាលារាជធានីភ្នំពេញ មានផ្ទះស្នាក់នៅម្តុំវត្តនិរោធន៍ សង្កាត់និរោធន៍ ខណ្ឌច្បារអំពៅ ។ តាមព័ត៌មានឲ្យដឹងថា នៅមុនពេលកើតហេតុគេឃើញនាងធ្វើដំណើរដោយថ្មើរជើងឡើងលើស្ពានពីលិចទៅកើត ។
បន្ទាប់ពីនាំទៅដល់ប៉ុស្តិ៍ ដោយសារតែនាងខំរើបំរះយំខ្លាំងនិងស្រែកផងនោះ បណ្តាលឲ្យសន្លប់មួយសន្ទុះ ។ បន្តិចក្រោយមក នារីរូបនោះបានឲ្យដឹងថា មូលហេតុដែលធ្វើឲ្យនាងគិតខ្លី ចង់ស្លាប់ដោយសារតែតូចចិត្តខ្លួនឯង ដែលឪពុកម្តាយដាក់គំនាប និងខឹងសង្សាររបស់នាងយល់ចិត្តមិត្តភក្តិជាងខ្លួននាងជាសង្សារ ។ នារីរូបនោះបានរៀបរាប់ទាំងទឹកភ្នែកឲ្យដឹងទៀតថា នាងបានលេបថ្នាំប៉ងសម្លាប់ខ្លួនម្តងមកហើយ កាលពីថ្ងៃទី៦ វិច្ឆិកា តែមិនស្លាប់ ។
ហេតុការណ៍នេះបានកើតឡើងនៅវេលាម៉ោង៦និង៣០នាទីយប់ថ្ងៃទី៧ ខែវិច្ឆិកា ឆ្នាំ២០១៨ ជិតច្រកចូលសាលាខណ្ឌមានជ័យ ផ្លូវ៦០ម៉ែត្រ ភូមិទួលរកា សង្កាត់ចាក់អង្រែក្រោម ខណ្ឌមានជ័យ ។
តាមប្រភព័ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញបុរសម្នាក់ជាអ្នកបើកបររ៉ឺម៉កម៉ូតូកង់បី បានបើកឆ្លងកាត់ទទឹងផ្លូវ ក្នុងទិសដៅពីកើតទៅលិច ក្នុងគោលបំណងទៅជួបជុំផឹកស៊ីនៅហាងមួយកន្លែងដែលនៅក្បែរនោះ ។
លុះរ៉ឺម៉កម៉ូតូកង់បីខាងលើឆ្លងជិតផុតទៅហើយ ស្រាប់តែមានបុរសម្នាក់ទៀតបានជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១១ ពណ៌ខ្មៅ ពាក់ស្លាកលេខ ភ្នំពេញ ១AY-២៧៩៤ ធ្វើដំណើរតាមផ្លូវ៦០ម៉ែត្រ ក្នុងទិសដៅពីជើងទៅត្បូង ក្នុងល្បឿនលឿនដូចហោះ បានជ្រុលទៅបុករ៉ឺម៉កម៉ូតូកង់បី ដែលកំពុងបើកបត់ឆ្លងផ្លូវ ចំពាក់កណ្តាលពេញទំហឹង បណ្តាលឱ្យរ៉ឺម៉កម៉ូតូកង់បីក្រឡាប់ផ្ងារជើងមួយចំហៀងកៀបជាប់គ្នាជាមួយម៉ូតូម៉ាកហុងដាឌ្រីម ព្រមទាំងធ្វើឱ្យបុរសជាអ្នកបើកបរម៉ូតូហុងដាឌ្រីមរងរបួសបែកក្បាល បាក់ដៃខាងឆ្វេងធ្ងន់ ត្រូវបានរថយន្តសង្គ្រោះមកដឹកយកទៅសង្គ្រោះនៅមន្ទីពេទ្យមិត្តភាពខ្មែរសូវៀត ។
ដោយឡែកអ្នកបើកបររ៉ឺម៉កម៉ូតូកង់បីវិញបានរងរបួសបែកក្បាលហូរឈាម តែមិនបានទៅមន្ទីពេទ្យនោះទេ ។
ក្រោយពេលកើតហេតុ ឃើញមានកម្លាំងសមត្ថកិច្ចប៉ុស្តិ៍នគរបាលចាក់អង្រែក្រោម ព្រមទាំងកម្លាំងជំនាញខណ្ឌមានជ័យ បានចុះទៅដល់កន្លែងកើតហេតុ រួចហើយក៍បានធ្វើវាស់វែងយកទៅម៉ូតូទាំងពីរគ្រឿងទៅរក្សាទុកនៅអធិការដ្ឋានខណ្ឌមានជ័យ ដើម្បីរង់ចាំធ្វើការដោះស្រាយនៅពេលក្រោយ ៕
ហេតុការណ៍គ្រោះថ្នាក់ចរាចរណ៍ដោយខ្លួនឯងនោះបានកើតឡើងនៅថ្ងៃទី០៧ ខែវិច្ឆិកា ឆ្នាំ២០១៨ វេលាម៉ោង២២និង៣០នាទីយប់ មានករណីគ្រោះថ្នាក់ចរាចរណ៍ (ក្រឡាប់រថយន្តដោយខ្លួនឯង) កើតហេតុនៅលើផ្លូវជាតិលេខ០៦ ត្រង់ចំណុចចន្លោះគីឡូម៉ែត្រលេខ៣៣៤/៣៣៥ ទឹកដីភូមិទួលរវៀង ឃុំល្វា ស្រុកពួក ខេត្តសៀមរាប នេះបើតាមសម្តីរបស់អធិការនគរបាលស្រុកពួក ។
បើតាមលោកវរសេនីយ៍ឯក ទេព ពុំសែន អធិការនគរបាលស្រុកពួកបានប្រាប់ឱ្យដឹងនៅវេលាម៉ោង៨និង០០នាទីព្រឹក ថ្ងៃទី៨ ខែវិច្ឆិកា ឆ្នាំ២០១៨ នេះថា ដោយមានព័ត៌មានពីកន្លែងកើតហេតុមកថា មានករណីគ្រោះថ្នាក់ចរាចរណ៍ដោយខ្លួនឯង គឺរថយន្តម៉ាកហ៊ីយ៉ាន់ដាយ ពណ៌ ស ពាក់ផ្លាកលេខព្រះសីហនុ 3A- 1085 ខណៈពេលនោះលោកបានឱ្យកម្លាំងជំនាញចុះទៅដល់កន្លែងកើតហេតុភ្លាម ។ លោកបានបន្តថា បើកបរមានឈ្មោះ អ៊ិត ចាន់ណា ភេទប្រុស អាយុ២៥ឆ្នាំ មុខរបរបើកបរ រស់នៅភូមិខ្នាត ឃុំខ្នាត ស្រុកពួក ខេត្តសៀមរាប បើកបរពីលិចទៅកើត ពេលដល់ចំណុចកើតហេតុខាងលើបានរ៉េចង្កូតធ្លាក់ជ្រោះផ្លូវខាងត្បូង ហើយក្រឡាប់ បណ្តាលឱ្យអ្នកបើកបររថយន្តរបួសធ្ងន់ ដោយកៀបជាប់ និងរថយន្តព្រមទាំងខូចខាតរថយន្ត ០១ យ៉ាងធ្ងន់ធ្ងរ ។
មូលហេតុ អ្នកបើកបររថយន្តបើកបរក្នុងស្ថានភាពងងុយដេក (ងក់) ។ ក្រោយពេលកើតហេតុ កម្លាំងជំនាញជួយសង្គ្រោះជនរងគ្រោះដែលកៀបជាប់ និងរថយន្តបានជួយហៅរថយន្តស្ទូច៤គ្រឿងត្រឹមម៉ោង១និង៥០ យប់អធ្រាត្រទើបជួយសង្គ្រោះជនរងគ្រោះចេញពីការកៀបជាប់នឹងរថយន្តបាន រួចបញ្ជូនទៅមន្ទីរពេទ្យបង្អែកខេត្តសៀមរាបផងដែរ ។
បច្ចុប្បន្នជនរងគ្រោះកំពុងសម្រាកនៅក្នុងមន្ទីរពេទ្យបង្អែកខេត្តសៀមរាប ចំណែករថយន្តត្រូវបានកម្លាំងជំនាញស្ទួចយកមករក្សាទុកនៅអធិការស្រុកពួកបណ្តោះអាសន្ន ៕
ជាក់ស្ដែង កាលពីវេលាម៉ោងជាង១រំលងអធ្រាត្រឈានចូលថ្ងៃទី៦ ខែវិច្ឆិកា ក្រុមចោរដែលមានរថយន្តបើកអមតាមក្រោយលើផ្លូវជាតិលេខ៥ ចាំដឹកមាន់ផង បានចូលលួចមាន់តាមផ្ទះពលរដ្ឋចំនួន៤កន្លែងក្នុងមួយយប់ នៅភូមិអូសទូក ឃុំកំពង់ព្រៀង ស្រុកសង្កែ ក្នុងនោះមាន២កន្លែងស្ថិតនៅក្បែរប៉ុស្ដិ៍នគរបាលឃុំកំពង់ព្រៀងតែម្ដង ។ ប្រជាពលរដ្ឋបានរាយការណ៍ថា ម្ចាស់ផ្ទះដែលត្រូវក្រុមចោរហារយចូលលួចមាន់មាន ១-ឈ្មោះ ស៊ឺង ភេទប្រុស ២-ឈ្មោះ ហេង សារី ភេទប្រុស ៣-ឈ្មោះ គី ភេទប្រុស និង៤-ឈ្មោះ សេត ភេទស្រី ។ ជនរងគ្រោះឈ្មោះ គី និងឈ្មោះ សេត មានផ្ទះនៅក្បែរប៉ុស្ដិ៍នគរបាលកំពង់ព្រៀងតែម្ដង ។
លោកនាយប៉ុស្ដិ៍រូបនេះបានព្យាយាមលាក់បាំងចំពោះបទល្មើសនេះ ប៉ុន្តែត្រូវបានទម្លាយដោយជនរងគ្រោះ ។ លោកនាយប៉ុស្ដិ៍ថែមទាំងបានស្រែកសួររកមុខអ្នកផ្ដល់ព័ត៌មាននេះដូច្នេះថា តើអ្នកណារាយការណ៍រឿងនេះ? ជាមួយនឹងសកម្មភាពក្រុមចោរបើករថយន្តដើរលួចមាន់ផ្អើលពេញភូមិនេះ លោក ប៉ែន ចាន់រ័ត្ន បានឆ្លើយតបទៀតថា «សកម្មភាពក្រុមចោរមិនទាន់បង្កឲ្យកើតមានកលយុគទេ គឺលួចតែ៤ឬ៥ក្បាលប៉ុណ្ណោះ ហើយក៏គ្មានអ្នកប្ដឹងដែរ ។
អ្នកភូមិបញ្ជាក់ថា ក្រុមសង្គមងងឹតនេះអាចដើរពិនិត្យតាមផ្ទះប្រជាពលរដ្ឋជាមុន មុនពេលធ្វើសកម្មភាព ដែលអ្នកភូមិមិនបានចាប់អារម្មណ៍ ។ បើតាមការកត់សម្គាល់របស់អ្នកភូមិថា យ៉ាងយូររយៈពេល១ខែ គឺក្រុមនេះចេញធ្វើសកម្មភាពលួចមាន់អ្នកភូមិនៅតំបន់នោះម្ដង តែសមត្ថកិច្ចហាក់ធ្វើព្រងើយកន្តើយលើបញ្ហាសន្តិសុខនេះសម្បើមណាស់ មិនរវីរវល់នឹងការផ្ដល់ព័ត៌មានរបស់ប្រជាពលរដ្ឋទេ ។
ប្រភពដដែលបានលើកឡើងថា នៅស្នងការដ្ឋានខេត្តសព្វថ្ងៃសម្បូរតែមន្ត្រីស្វែងរកតំណែង ស្វែងរកតួនាទី ។ មួយថ្ងៃៗ គេឮតែមន្ត្រីប្រភេទនេះជជែកគ្នាតែរឿងតំណែង និងតួនាទី ។ គ្មានទេការពិភាក្សាពីរឿងការងារបម្រើប្រជាពលរដ្ឋ ឬការងារទប់ស្កាត់ ឬបង្ក្រាបបទល្មើស ។ រីឯមន្ត្រីខ្លះទៀត គ្មានទេសមត្ថភាពធ្វើការងារ គឺមានតែគំនិតចាំប៉ែងផ្ដូលមន្ត្រីដទៃដែលមានកំហុសតិចតួចដើម្បីដណ្ដើមតំណែង ។ គេសង្កេតឃើញមានតែមន្ត្រីមួយចំនួនប៉ុណ្ណោះនៅក្នុងស្នងការដ្ឋាន ដែលបាននិងកំពុងប្រឹងប្រែងបំពេញភារកិច្ច ក្រោមការរិះគន់ពីមន្ត្រីឡេមឡឺម មន្ត្រីអសកម្ម ឬមន្ត្រីដែលពូកែអែបអប ។
ហេតុការណ៍នេះបង្កឲ្យមានការណ៍ភ្ញាក់ផ្អើលយ៉ាងខ្លាំងដល់ប្រជាពលរដ្ឋ និងសមត្ថកិច្ចកាលពីវេលាម៉ោង១០និង៥០នាទីយប់ ថ្ងៃទី៧ ខែវិច្ឆិកា ឆ្នាំ២០១៨ ត្រង់ចំណុចខាងមុខវិទ្យាល័យ ជា ស៊ីម សាមគ្គី តាមបណ្ដោយផ្លូវ២៧១ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរសម្នាក់ទំនងជាស្រវឹង បានបើកបររថយន្តមួយគ្រឿងម៉ាកឡង់គ្រីស័រ ស៊េរីឆ្នាំ២០១៨ ពណ៌ស ពាក់ស្លាកលេខ ភ្នំពេញ ២V-០០៧៩ ធ្វើដំណើរតាមបណ្តោយផ្លូវ២៧១ ក្នុងទិសដៅបើកមកពីស្តុបណូគាឆ្ពោះទៅស្ពានអាកាសស្ទឹងមានជ័យ និងក្នុងលឿនយ៉ាងលឿនដូចហោះ។
លុះមកដល់ចំណុចកើតដែលផ្លូវមានស្ថានភាពកោង ស្រាប់តែរថយន្តបង្កខាងលើបានរេចង្កូតទៅខាងឆ្វេងបុកនឹងរបាំងថ្មពុះចែកទ្រូងផ្លូវបណ្ដាលឲ្យបែកអស់មួយផ្ទាំងធំ តែរថយន្តបង្កនៅមិនទាន់អស់ល្បឿន ក៏ជ្រុលចង្កូតឆ្លងទៅផ្លូវបុកបង្គោលថ្មរបស់វិទ្យាល័យជាស៊ីមសាមគ្គីដែលសម្រាប់ថ្ពក់ច្រវាក់ដាក់ព័ទ្ធជុំវិញរបងវិទ្យាល័យនោះ បណ្ដាលឲ្យបាក់អស់បីដើម។
ប៉ុន្តែរថយន្តបង្កនៅតែមិនទាន់អស់ល្បឿនក៏ជ្រុលឡើងលើខឿនទៅបុកដើមផ្ការំយោលមួយដើម បណ្ដាលឲ្យបាក់ដាច់ជាពីរកំណាត់ ហើយរថយន្តបង្កក៏បានខ្ទាតផ្លោងទៅប៉ះនិងរបងសាលាមួយផ្ទាំងរងការខូចខាតបែកប្រេះ ទើបបណ្តាលឲ្យក្រឡាប់ផ្ងារជើងបែរក្បាលត្រឡប់ក្រោយគងលើដើមផ្ការំយោលមួយដើមទៀតរងការខូចខាតយ៉ាងដំណំ។
ប្រភពដដែលបន្តថា មួយស្ទុះក្រោយមកក៏ឃើញបុរសដែលជាអ្នកបើកបររថយន្តខាងលើ បានលូនចេញមកពីក្នុងរថយន្តរួចបានគេចខ្លួនចេញពីកន្លែងកើតហេតុបាត់ស្រមោល បន្ទាប់មកក៏ស្រាប់តែមានផ្សែង
ភ្លាមៗនោះក៏មានប្រជាពលរដ្ឋដែលរស់នៅក្បែរកន្លែងកើតហេតុបាននាំគ្នាយកបំពង់ពន្លត់អគ្គិភ័យមកបាញ់ពន្លត់អស់ពីរទៅបីបំពង់ដែរ ប៉ុន្តែអណ្ដាតភ្លើងនៅតែបន្តឆាបឆេះរថយន្តបង្កកាន់តែខ្លាំងៗឡើង។
ក្រោយពេលកើតហេតុ សមត្ថកិច្ចមូលដ្ឋានបានទាក់ទងទៅសមត្ថកិច្ចជំនាញឲ្យចុះមកធ្វើការស្ទូចយករថយន្តខាងលើទៅរក្សាទុកនៅឯការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីរង់ចាំម្ចាស់ចូលខ្លួនមកធ្វើការដោះស្រាយទៅតាមផ្លូវច្បាប់នៅពេលក្រោយ៕
ក្រោមវត្តមានលោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ និងដឹកជញ្ជូន ដោយមានវត្តមានរដ្ឋលេខាធិការ ក្រសួងអភិវឌ្ឍជនបទ ក្រសួងសាធារណៈការ និងដឹកជញ្ជូន អាជ្ញាធរជាតិអប្សរា អាជ្ញាធរខេត្តសៀមរាប និងថ្នាក់ដឹកនាំមន្ទីរស្ថាប័នពាក់ព័ន្ធ រួមទាំងអាជ្ញាធរក្រុងស្រុកទាំង១២ របស់ខេត្តសៀមរាបផងដែរ ។ កំណាត់ផ្លូវក្នុងក្រុងសៀមរាបចំនួន១១ខ្សែ ដែលខូចខាត និងកំពុងទទួលការទិទៀនរិះគន់ពីសំណាក់ប្រជាពលរដ្ឋ និងផ្លូវខ្នែងបែកចេញពីផ្លូវជាតិលេខ៦ ចំនួន៥២កន្លែងទៀតត្រូវបានកិច្ចប្រជុំអន្តរក្រសួងដែលពាក់ព័ន្ធសម្រេចជាគោលការណ៍ថា នឹងត្រូវជួសជុលកសាងឱ្យទៅជាផ្លូវកៅស៊ូទាំងអស់ ។
បើតាមសេចក្តីរាយការណ៍របស់លោក គឹម ប៉ុណ្ណា ប្រធានមន្ទីរសាធារណៈការ និងដឹកជញ្ជូនខេត្តសៀមរាបឱ្យដឹងថា ក្នុងរដូវវស្សាកន្លងមកបានជួយបបញ្ហាប្រឈមនានា និងទទួលបាន មតិរិះគន់ពីប្រជាពលរដ្ឋ ចំពោះការខូចខាតកំណាត់ផ្លូវជាច្រើនបានរិះគន់តាមគ្រប់បណ្តាញពត៌មាននានាមកលើរាជរដ្ឋាភិបាលតាមរយៈក្រសួង ឬស្ថាប័នដែលទទួលខុសត្រូវពិតមែន តែការរិះគន់មានភាពត្រឹមត្រូវលើកំណាត់ផ្លូវដែលបានខូចខាតទ្រុឌទ្រោមមែន តែពុំមានភាពច្បាស់លាស់ទៅលើដែនសមត្ថកិច្ចទទួលខុសត្រូវនៅឡើយទាំងនេះហើយ ដែលក្នុងនាមអ្នកទទួលខុសត្រូវបានធ្វើការឆ្លើយបកស្រាយជាហូរហែររៀងៗខ្លួនប្រកបដោយភាពទន់ភ្លន់ ស្មារតីទទួលខុសត្រូវរួមមិនជះ និងបាចទឹកដាក់គ្នា ។
តាមរយៈបទបង្ហាញកិច្ចប្រជុំបានកំណត់ថា នៅខេត្តសៀមរាបមានផ្លូវចំនួន១២ខ្សែ និងផ្លូវខ្នែងក្នុងក្រុងបំបែកពីផ្លូវជាតិលេខ៦ ចំនួន៥២ខ្នែងទៀត ដែលត្រូវការការស្តារ និងជួសជុលឡើងវិញជាប្រញ៉ាប់បំផុត ។ លោកទេសរដ្ឋមន្ត្រី ស៊ុន ចាន់ថុល សំណូមពរដល់អាជ្ញាធរខេត្ត និងក្រុមហ៊ុនម្ចាស់សណ្ឋាគារនានាកៀងគររកវិភាគទានថវិកា ដើម្បីជួសជុលផ្លូវក្នុងក្រុងសៀមរាបដែលរងការខូចខាតនាពេលកន្លងមក ។ លោកទេសរដ្ឋមន្ត្រីមានប្រសាសន៍ថា នៅក្នុងច្បាប់ផ្លូវថ្នល់ក្នុងព្រះរាជាណាចក្រកម្ពុជាយើងផ្លូវថ្នល់មួយចំនួនត្រូវបានកសាង ថែទាំ និងស្ថិតក្រោមការគ្រប់គ្រងរបស់ក្រសួងសាធារណការ និងដឹកជញ្ជូន មួយចំនួនក្រោមការសាងសង់ ថែទាំដោយក្រសួងអភិវឌ្ឍន៍ជនបទ និងមួយចំនួនក្រោមការកសាងថែទាំ និងជួសជុលដោយរដ្ឋបាលរាជធានីខេត្ត ។
ដោយឡែកខេត្តសៀមរាបផ្លូវមួយចំនួនជាបន្ទុកគ្រប់គ្រងថែទាំជួសជុលដោយអាជ្ញាធរអប្សរា លើកំណាត់ផ្លូវណាដែលស្ថិតក្នុងតំបន់ដែលអភិរក្សបេតិកភ័ណ្ឌជាតិក៏ដូចជា តំបន់រណបផ្សេងៗ ។ លោកបញ្ជាក់ថា យើងជិះទូកជាមួយគ្នា គឺទូករបស់រាជរដ្ឋាភិបាលយើងខ្ញុំមិនដែលជះទឹកដាក់គ្នាទេ យើងតែងតែពិភាក្សាគ្នារកដំណោះស្រាយ ដើម្បីដោះស្រាយបញ្ហាជូនបងប្អូនប្រជាពលរដ្ឋដែលលើកឡើងទាក់ទងទៅនឹងការខូចខាតផ្លូវថ្នល់ ។ លោកទេសរដ្ឋមន្ត្រីបញ្ជាក់ច្បាស់ទៀថា បងប្អូនប្រជាពលរដ្ឋរួមទាំងអ្នកទេសចរណ៍ធ្វើដំណើរមិនបានដឹងទេថា ផ្លូវណាជាការគ្រប់គ្រងថែទាំរបស់អាជ្ញាធរអប្សរាផ្លូវណាជាការគ្រប់គ្រងថែទាំរបស់អភិវឌ្ឍជនបទ ឬសាធារណៈការ និងដឹកជញ្ជូននោះទេ គឺពួកគាត់ច្រើនតែយល់ថា ជាផ្លូវដែលសាងសង់ គ្រប់គ្រងជួសជុលដោយក្រសួងសាធារណៈការឬថា ជាផ្លូវរបស់រាជរដ្ឋាភិបាលតែម្តង ។
លោកមានប្រសាសន៍ទៀតផងដែរ ចំពោះបញ្ហាផ្លូវចំនួន១១ខ្សែនៅក្នុងក្រុងសៀមរាបប្រវែងប្រមាណជា១២គ.ម ត្រូវតែជួសជុល និងស្តារជាបន្ទាន់ដោយសារផ្លូវទាំងនោះរងការខូចខាតជាច្រើនជាមួយគ្នានោះផ្លូវខ្នែងចំនួន៥២ខ្សែក៏ត្រូវរៀបចំឱ្យទៅជាផ្លូវកៅស៊ូដែរដែលត្រូវប្រើប្រាស់ថវិកាប៉ាន់ជាជំហានដំបូងប្រមាណជា១៥លានដុល្លារអាមេរិក ។
ជាមួយគ្នានោះក៏មានផ្លូវ៥ខ្សែ ជាផ្លូវគ្រួសក្រហម ស្ថិតក្នុងគម្រោងថែទាំជួសជុលរបស់ក្រសួងអភិវឌ្ឍណ៍ជនបទ និង២ខ្សែទៀតជាផ្លូវក្រាលគ្រួសក្រហមដែរ ស្ថិតក្នុងគម្រោងថែទាំរបស់មន្ទីរសាធារណៈការនិងដឹកជញ្ជូនខេត្តសៀមរាបក៏នឹងត្រូវជួសជុល និងប្រែក្លាយឱ្យទៅជាផ្លូវកៅស៊ូ DBST មានពីរស្រទាប់ស្តើងដែលមានអាយុកាល៥ឆ្នាំតែប៉ុណ្ណោះ លើសពីនេះវានឹងរងការខូចខាតទៅវិញផងដែរ ។ លោកមានប្រសាសន៍ជម្រាបជូនបងប្អូនប្រជាពលរដ្ឋផងដែរថា ដោយសារថវិកាមានកំណត់យើងធ្វើជាលក្ខណៈបណ្តោះអាសន្នយ៉ាងណាឱ្យផ្លូវនេះក្លាយជា ផ្លូវកៅស៊ូសិនថ្ងៃក្រោយនឹងអភិវឌ្ឍន៍ពីផ្លូវកៅស៊ូស្តើងទៅជាផ្លូវកៅស៊ូបេតុងវិញ ៕
ថ្មីៗនេះមានករណីឆក់កាបូបមួយកើតឡើងបណ្តាលឲ្យស្ត្រីម្នាក់ដួលម៉ូតូបោកទៅនឹងថ្នល់គួរឲ្យរន្ធត់ នាថ្ងៃទី២៧ តុលា ២០១៨ ម៉ោងប្រមាណ៦និង២០នាទី នៅចំណុចផ្លូវជាតិលេខ៦A ភូមិខ្ទរ សង្កាត់ព្រែកលៀប ខណ្ឌជ្រោយចង្វារ ។ ក្រោយពេលកើតហេតុជនរងគ្រោះមិនបានដាក់ពាក្យបណ្តឹង ឬផ្តល់ព័ត៌មានដល់សមត្ថកិច្ចអាវុធហត្ថទេ តែ៤ថ្ងៃក្រោយមកកម្លាំងអាវុធហត្ថបានឃើញព័ត៌មានស្តីពីករណីឆក់កាបូបខាងលើនេះតាមរយៈបណ្តាញសង្គមហ្វេសប៊ុក អាវុធហត្ថក៏ចាត់វិធានការស្រាវជ្រាវជាបន្ទាន់ និងតាមវែងរកមុខសញ្ញាក្រុមចោរឆក់ទាំងនោះ។
រហូតដល់ថ្ងៃទី៣ វិច្ឆិកា សមត្ថកិច្ចមូលដ្ឋានកងរាជអាវុធហត្ថខណ្ឌជ្រោយចង្វារសហការជាមួយកម្លាំងជំនាញការិយាល័យបទល្មើសព្រហ្មទណ្ឌនៃកងរាជអាវុធហត្ថរាជធានីភ្នំពេញ ធ្វើការឃាត់ខ្លួនជនសង្ស័យ៣នាក់ ១.ឈ្មោះ សុខ ពន្លឺ ២.ឈ្មោះ រស់ សែនវាសនា ហៅមិត្ត និង៣.ឈ្មោះ នួន រស្មី ហៅតុង នៅចំណុចភូមិបាក់ខែង និងភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ ។
ក្រោមវិធានការជំនាញរបស់សមត្ថកិច្ចអាវុធហត្ថជនសង្ស័យទាំង៣នាក់ព្រមសារភាពថា ពួកគេគឺពិតជាធ្វើសកម្មភាពឆក់កាបូបជនរងគ្រោះខាងលើពិតប្រាកដមែន ដែលនៅថ្ងៃកើតហេតុពួកគេធ្វើសកម្ម ភាពតែ៤នាក់ប៉ុណ្ណោះ តែរយៈកាលកន្លងមកក្រុមពួកគេមានគ្នា៦នាក់តែងចេញធ្វើសកម្មភាពឆក់កាបូប និងទូរស័ព្ទលើដងផ្លូវគ្រប់ទីកន្លែងក្នុងភូមិសាស្ត្ររាជធានីភ្នំពេញ ។ ដូចជាតាមបណ្តោយផ្លូវជាតិលេខ៦A តំបន់ព្រែកលាប តំបន់ផ្លូវលីយ៉ុងផាត់ តំបន់វត្តក្តីចាស់ ផ្លូវសហព័ន្ធរុស្សី តំបន់ស្ពានអាកាស៧មករា តំបន់ក្រោមស្ពានជ្រោចង្វារ តំបន់ផ្សារកណ្តាល ខណ្ឌដូនពេញ និងតំបន់ផ្សេងៗទៀត ។
បច្ចុប្បន្នក្រៅពីក្រុមចោរទាំង៣នាក់ដែលឃាត់ខ្លួនបាននេះ គឺនៅមានបក្សពួកគេ៣នាក់ទៀតកំពុងរត់គេច ១.ឈ្មោះ សោម ពេជ្រ ហៅពេជ្រខ្មោច ២.ឈ្មោះ ពេជ្រ ហៅ ពេជ្រតូច និង៣.ឈ្មោះ រិទ្ធ ហៅ លឹប ។ ក្រោយស៊ើបអង្កេត និងស្តាប់ចម្លើយជនសង្ស័យ សមត្ថកិច្ចបានស្វែងជនរងគ្រោះដែលត្រូវ ក្រុមចោរទាំងនេះឆក់កាបូបបណ្តាលឲ្យដួលម៉ូតូកាលពីថ្ងៃទី២៧ តុលា មកដាក់ពាក្យបណ្តឹងបំពេញនីតិវិធីកសាងសំណុំរឿងបញ្ជូនទៅតុលាការ ដើម្បីផ្តន្ទាទោសក្រុមចោរទាំងនេះតាមច្បាប់ ។
ជាមួយនេះផងដែរ សមត្ថកិច្ចកងរាជអាវុធហត្ថសូមអំពាវនាវដល់មហាជន ប្រសិនបានឃើញ ឬស្គាល់ជនសង្ស័យទាំង៣នាក់ដែលរត់គេចខ្លួនខាងលើ ជួយផ្តល់ដំណឹងដល់សមត្ថកិច្ចអាវុធហត្ថរាជធានីភ្នំពេញ តាមរយៈលេខទូរស័ព្ទ 017 81 81 71 ឬសមត្ថកិច្ចដែលនៅជិតលោកអ្នក ដោយមានការធានារក្សាការសម្ងាត់ជូនទៀតផង ៕
រថយន្តបង្កម៉ាកកាមរីគូទហើម ពណ៌ស្លែ ពាក់ស្លាកលេខភ្នំពេញ 2D -6323 បើកបរក្នុងទិសដៅពីលិចទៅកើតជិះគ្នា២នាក់ មិត្តភក្កិក្នុងស្ថានភាពស្រវឹង ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយប្រាប់ថា នៅមុនពេលកើតហេតុគេឃើញរថយន្តខាងលើបើកក្នុងទិសដៅពីលិចទៅកើតក្នុងល្បឿនយ៉ាងលឿនលុះបើកមកដល់ចំណុចកើតហេតុ ស្រាប់តែរថយន្តខាងលើបានបើកបុកបង្កាន់ដៃស្ពានអូទួលលាបចាស់ បណ្តាលឲ្យបាក់បង្កាន់ដៃស្ពានធ្លាក់ចូលអូ ចំណែករថយន្តវិញបានបែកពោងសុវត្ថិភាពនឹងខ្ទាតរថយន្តទទឹងផ្លូវកង់រថយន្តគងលើស្ពានមួយកំណាត់មុខវិះធ្លាក់ទឹងអូ ។
ប្រភពព័ត៌មានបានបន្តទៀតថា ខណៈភ្លាមៗនោះសមត្ថកិច្ចនគរបាលប៉ុស្តិ៍បានមកដល់កន្លែងកើតហេតុ ហើយបានសួរនាំទៅនាក់បើកបរថា ម៉េចបានបើកបុកបង្កាន់ដៃស្ពាន នៅពេលនោះអ្នកបើកបររថយន្តប្រាប់ថា ស្ពានធ្វើតូចពេកពិបាកបើកបរណាស់ ចំណែកឯមិត្តភក្កិតៃកុងវិញបាននិយាយទៅកាន់សមត្ថកិច្ចថា និយាយច្រើនម៉េះ ម៉េចចង់វាយមួយស្មើ បន្ទាប់មកសមត្ថកិច្ចនគរបាលប៉ុស្តិ៍លែងហ៊ានសួរនាំ ព្រោះថា អ្នកបើកបរនឹងមិត្តភក្កិខាងលើសុទ្ធតែស្រវឹងជោកជាំ សួរនាំបន្តក្រែងមានបញ្ហា ។ បន្ទាប់មកកម្លាំងនគរបាលប៉ុស្តិ៍បានទាក់ទងទៅជំនាញចរាចរណ៍ខណ្ឌពោធិ៍សែនជ័យ ដើម្បីស្ទួចរថយន្តខាងលើជំនាញចរាចរណ៍ខណ្ឌបានប្រគល់ជំនាញចរាចរណ៍ការិយាល័យរាជធានីភ្នំពេញ ស្ទួចយកទៅទុក ព្រមទាំងអ្នកបើកបរផងដែរ ។
តាមប្រភពព័ត៌មានបានឱ្យដឹងថា មុនពេលកើតហេតុ ជនជាតិបរទេសម្នាក់មិនស្គាល់អត្តសញ្ញាណវ័យ៣១ទៅ៣២ឆ្នាំបានចូលទៅក្នុងហាងបារបារាំងមួយកន្លែងនៅម្តុំផ្សារកណ្តាល ផឹកស្រាព្រិលអស់ជាច្រើនកែវរហូតស្រវឹង ហើយបែរជាមិនចង់គិតលុយ រួចរករឿងបុគ្គលិកស្រីៗក្នុងបារ និងអុកឡុកក្នុងបារ ថែមទាំងវាយទៅលើស្រីៗទៀត ទើបសន្តិសុខចូលទៅហាមឃាត់ក៏ត្រូវជនបរទេសនោះវាយទៀត ធ្វើឲ្យសន្តិសុខទ្រាំអត់មិនបានក៏វាយមួយអាយកូមបណ្តាលឱ្យបែកក្បាលហូរឈាមស្រោចពេញខ្លួនផ្អើលទៅដល់ស្រីៗក្នុងបារនាំគ្នាចោមរោមមើល។ ភ្លាមៗនោះដែលរថយន្តសង្គ្រោះក៏មកដល់ ប៉ុន្តែជនជាតិបរទេសនោះមិនព្រមឡើងទៅព្យាបាលនោះទេ ។
លោកវរសេនីឯក យុគ សារ៉ាត់ អធិការនគរបាលស្រុកគីរីវង់បានឲ្យដឹងថា ក្រោយពីកើតមានករណីនេះភ្លាម លោកបានដឹកនាំជំនាញដោយសហការជាមួយកម្លាំងប៉ុស្តិ៍នគរបាលរដ្ឋបាលព្រះបាទជាន់ជុំ និងប៉ុស្តិ៍គីរីចុងកោះផងដែរ យើងបានឃាត់ខ្លួនជនសង្ស័យបានម្នាក់មានឈ្មោះ នួន ធា ភេទប្រុស អាយុ៣២ឆ្នាំ ស្រុកកំណើតនៅភូមិចុងអង្ករ ឃុំពេជសារ ស្រុកកោះអណ្តែត ខេត្តតាកែវ បច្ចុប្បន្នមកស្នាក់នៅភូមិក្របាក់ ឃុំអង្គប្រាសាទ ស្រុកគីរីវង់ ។
ក្រោយចាប់ខ្លួនជនសង្ស័យបានឆ្លើយសារភាពប្រាប់ប៉ូលិសថា រូបគេបានធ្វើសកម្មភាពឆក់ទ្រព្យប្រជាពលរដ្ឋបានសម្រេចចំនួន០៧ដងមកហើយ ក្នុងភូមិសាស្ត្រស្រុកគីរីវង់នេះ ។ ដោយបានដកហូតវត្ថុតាងរួមមានម៉ូតូ១គ្រឿង និងសម្ភារជាច្រើនទៀត ។
លោកវរសេនីឯក យ៉ុង់ ញីវ នាយការិយាល័យព្រហ្មទណ្ឌកម្រិតស្រាលខេត្តបានឲ្យដឹងថា នៅពេលនេះយើងកំពុងតែកសាងសំណុំរឿង ដើម្បីបញ្ជូនជនសង្ស័យរួមជាមួយវត្ថុតាងទៅកាន់សាលាដំបូងខេត្តចាត់ការទៅតាមផ្លូវច្បាប់ នៅរសៀលថ្ងៃទី៦ ខែវិច្ឆិកា ២០១៨នេះ ៕
ចំណងទាក់ទងដ៏រឹងមាំរវាងប្រជាជនកម្ពុជា និងប្រជាជនអាមេរិកបានជាប្រយោជន៍ដល់ប្រទេសយើងទាំងពីរ ។ ជារៀងរាល់ឆ្នាំមានអ្នកទេសចរអាមេរិកចំនួនជាង១៧០ ០០០នាក់បានមកឃើញសម្រស់ និងប្រវត្តិសាស្ត្ររបស់ប្រទេសកម្ពុជា ។
សម្តេចតេជោ បានមានប្រសាសន៍ទៅកាន់យុវសិស្សទាំងអស់ថា ចំណុចនេះគឺជាចំណុចដែលយើងអាចនិយាយបានថា សង្គមរបស់យើងចាប់ផ្តើមប្រែប្រួលនៅពេលដែលយើងចាប់ផ្តើមរឹតបន្តឹងការប្រឡង ។ ពីមុនការប្រឡងមានការលួចចម្លង បាញ់ប្រូ៊យ៉ុងចូលតាមបង្អួច…ពេញទឹកពេញដី ។ សម្តេចតេជោបញ្ជាក់ថា ឥឡូវនេះទ្រឹស្តី «ចេះទើបជាប់ បើមិនចេះអត់ជាប់» ។
សម្តេចតេជោបានឲ្យគិតជាភាគរយ ព្រោះសម្តេចត្រូវសិក្សាអំពីបញ្ហានេះដែរ គឺជំរុញឲ្យកុមារី យុវនារី បានទទួលការបណ្តុះបណ្តាលកាន់តែខ្ពស់កាន់តែល្អ ។ ដូច្នេះគឺជាជោគជ័យមួយនៅក្នុងនយោបាយសមភាពយេនឌ័រនៅក្នុងវិស័យអប់រំ ។ សម្តេចតេជោ បានលើកទឹកចិត្តឲ្យមានការវិនិយោគទៅលើការសាងសង់ ដែលទន្ទឹមនឹងការសាងសង់អគារសិក្សាបន្ថែមគ្រប់ទីកន្លែង ក៏ត្រូវយកចិត្តទុកដាក់លើការសាងសង់អគារស្នាក់នៅរបស់គ្រូ ហើយនិងការស្នាក់នៅរបស់សិស្សដែលមានទីលំនៅឆ្ងាយ ដើម្បីកុំឲ្យមានការបោះបង់ចោលការសិក្សា ឬត្រូវបង់ថ្លៃសម្រាប់ឈ្នួលផ្ទះ នៅពេលដែលខ្លួនមករៀន កាត់បន្ថយការលំបាករបស់មាតាបិតា អាណាព្យាបាល។
បើខ្ញុំមិនដឹកនាំកសាងហេដ្ឋារចនាសម្ព័ន្ធតភ្ជាប់ទៅកាន់តំបន់នោះ ដីរបស់អស់លោកនៅតែអត់មានតម្លៃឥឡូវដីគ្រប់កន្លែងឡើងថ្លៃ ។សម្តេចតេជោ ហ៊ុន សែន បានប្រកាសថាក្នុងពេលជួបសំណេះសំណាលនិងផ្តល់រង្វាន់លើកទឹកចិត្តដល់សិស្សជាប់និទ្ទេសAម្តងៗ គឺចំណាយអស់ប្រមាណ៨០០លានរៀល ស្មើប្រមាណ២០ម៉ឺនដុល្លារអាមេរិក ។ សម្តេចបានជួបសិស្សប្រឡងជាប់បាក់ឌុបទទួលបាននិទ្ទេស A ចាប់តាំងពីឆ្នាំ២០១៤ ហើយមកដល់ឆ្នាំ២០១៨នេះ ជាលើកទី៥ហើយ ។
ក្រៅពីនេះ សិស្សម្នាក់ៗក៏ទទួលបានប្រាក់២លានរៀល អាយផេត១គ្រឿង(តម្លៃ៤៨០ដុល្លារ)និងសៀវភៅម្នាក់២ក្បាល ដែល១ក្បាលជារបស់លោកតាក្រមង៉ុយ និង១ក្បាលទៀតជាសៀវភៅរបស់បណ្ឌិត អ៊ូចុង ច្បាប់គោរពមាតាបិតា ។ដោយឡែក នាយកសាលាចំនួន១៧១នាក់ដែលអមដំណើរបេក្ខជនប្រឡងជាប់បាក់ឌុបទទួលបាននិទ្ទេសA មកជួបសម្តេចតេជោនាយករដ្ឋមន្ត្រីនាពេលនេះ ម្នាក់ៗទទួលបានប្រាក់ស្លឹង១ សៀវភៅ១ប្រអប់ ថវិកាផ្ទាល់ខ្លួន១លានរៀល និងថវិកាសម្រាប់សាលាចំនួន១៧១ ក្នុងសាលា មួយទទួលបាន៣លានរៀល។
នារីជាម្ចាស់ម៉ូតូឈ្មោះ ម៉ានី អាយុ២២ឆ្នាំ មុខរបរបុគ្គលិកក្រុមហ៊ុន vivo ស្នាក់នៅបន្ទប់ជួលកើតហេតុខាងលើ ចំណែកទ្រព្យសម្បត្តិដែលបាត់បង់រួមមានលុយមួយចំនួន និងម៉ូតូមួយគ្រឿងម៉ាកស្គូពី ស៊េរីឆ្នាំ២០១៩ ពណ៌ស ទើបនឹងទិញបង់រំលោះបាន១អាទិត្យប៉ុណ្ណោះ គាត់មិនទាន់ចាំស្លាកលេខអស់នៅឡើយ ព្រោះម៉ូតូទើបនឹងទិញ ហើយកាតគ្រីនៅក្រុមហ៊ុនទុកទៀត។
តាមប្រភពព័ត៌មានពីនារីជាម្ចាស់ម៉ូតូបានប្រាប់ឱ្យដឹងថា នៅវេលាម៉ោង៧យប់ថ្ងៃកើតហេតុ គាត់បានចេញទៅចូលរួមកម្មវិធីមិត្តភក្ដិ ដោយទុកម៉ូតូនៅក្នុងបន្ទប់ជួលចាក់សោបន្ទប់រហូតដល់ម៉ោង១២រំលងអាធ្រាត្រ គាត់បានត្រឡប់មកវិញចាក់សោទ្វារឃើញម៉ូតូនៅក្នុងបន្ទប់ធម្មតាទេ ប៉ុន្តែគាត់ឃ្លានញុំាបាយក៏បិទទ្វារទុកម៉ូតូក្នុងបន្ទប់ទៀត ហើយចេញទៅរកទិញអីញុំានៅខាងក្រៅប្រមាណ១៥នាទី លុះត្រឡប់មកវិញឃើញទ្វារបន្ទប់ចំហរ ក៏សង្ស័យរត់ស្ទុះទៅមើលក្នុងបន្ទប់ ឃើញសភាពរាយប៉ាយ ហើយបាត់ម៉ូតូទើបនឹងទិញទៀត ធ្វើឲ្យគាត់ហួសចិត្តយ៉ាងខ្លាំង បានត្រឹមទៅដាក់ពាក្យបណ្តឹងតែប៉ុណ្ណោះ។
ប្រភពដដែលបញ្ជាក់ថា នៅផ្ទះជួលខាងលើនោះឧស្សាហ៍មានចោរចូលគាស់បន្ទប់លួចទ្រព្យសម្បត្តិច្រើនដងមកហើយ មិនដឹងថាជនសង្ស័យបានសោរបងផ្ទះមកពីណាចាក់ចេញចូលបានស្រួលម្ល៉េះ ព្រោះមានតែអ្នករស់នៅក្នុងផ្ទះនោះប៉ុណ្ណោះទើបមានសោរបងផ្ទះ ហើយនៅពេលមានបញ្ហាអ្នករស់នៅក្នុងបន្ទប់ជួលខាងលើសុំម្ចាស់ផ្ទះឆែកកាំមេរ៉ាសុវត្ថិភាពមើល ប៉ុន្តែម្ចាស់ផ្ទះមិនព្រមឆែកអោយមើលទេ មិនដឹងជាគាត់មានមូលហេតុអ្វីនោះទេ។
ក្រោយកើតហេតុ នារីជាម្ចាស់ម៉ូតូបានត្រឹមតែទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលបឹងទំពុន១តែប៉ុណ្ណោះ ទាំងមិនសង្ឃឹមថានឹងបានម៉ូតូត្រឡប់មកឡើយ ៕
