ខេត្តកំពង់ធំ ៖ ដោយសារតែខកចិត្តនឹងការផ្តាច់ពាក្យជាគូដណ្តឹង បុរសម្នាក់បានធ្វើសកម្មភាពវាយប្រហារដោយការជះទឹកអាស៊ីតលើស្ត្រីជាអតីតគូដណ្តឹងរបស់ខ្លួន បង្កឱ្យមានការភ្ញាក់ផ្អើលកាលពីវេលាម៉ោង១០និង៣០នាទីព្រឹកថ្ងៃទី៨ ខែវិច្ឆិកា នៅភូមិត្រពាំងត្រុំ ឃំុទីពោ ស្រុកសន្ទុក ។
មន្ត្រីនគរបាលឲ្យដឹងថា ករណីជះទឹកអាស៊ីតនេះ ប្រព្រឹត្តឡើងដោយបុរសឈ្មោះ សឿង វាសនា អាយុ៣០ឆ្នាំ រស់នៅភូមិព្រៃជ្រំ ឃុំព្រៃទទឹង ស្រុកមេសាង ខេត្តព្រៃវែង ។ ជននេះបានជះទឹកអាស៊ីតទៅលើស្ត្រីជាអតីតគូដណ្តឹងឈ្មោះ យ៉ង់ សុផល អាយុ២១ឆ្នាំ រស់នៅភូមិត្រពាំងត្រុំ ឃុំទីពោ បណ្តាលឱ្យរងរបួសធ្ងន់និងត្រូវបានបញ្ជូនទៅសង្គ្រោះនៅមណ្ឌលសុខភាពតាំងក្រសាំង ។
បន្ទាប់ពីបានបង្កអំពើហិង្សាដ៏សាហាវទៅលើជនរងគ្រោះជាអតីតគូដណ្តឹងរួច ជនរូបនេះក៏បានយកទឹកអាស៊ីតមកចាក់ស្រោចលើខ្លួនឯងដែរ រួចផឹកថែមទៀតបណ្តាលឱ្យសន្លប់ និងត្រូវបានបញ្ជូនទៅកាន់មន្ទីរពេទ្យបង្អែកបារាយណ៍- សន្ទុក ។សមត្ថកិច្ចបញ្ជាក់ថា មូលហេតុដែលធ្វើឲ្យបុរសខាងលើជះទឹកអាស៊ីតទៅលើនារីរងគ្រោះគឺដោយសារតែរូបគេខឹងនឹងនាងដែលបានផ្តាច់ពាក្យជាមួយនឹងខ្លួន រួចទៅមានគូដណ្តឹងថ្មី ។
ជាការពិតណាស់ ការប្រកាន់យកគំនិតចងអាឃាតនេះ មិនស័ក្តិសមជាបុរសទ្រូង៥ហត្ថឡើយ ដែលមានន័យថា មិនខ្វះទេ«ប្រុសពេញដី ស្រីពេញនគរ» តើចាំបាច់ពាក់ព័ន្ធជីវិតជាមួយគ្នាធ្វើអ្វី បើនាងស្រឡាញ់យើងនោះ? ទោះបីជាបែបណា ការវាយប្រហារដោយទឹកអាស៊ីតបែបនេះ គឺជាបទឧក្រិដ្ឋធ្ងន់ធ្ងរណាស់ ដែលធ្វើទៅលើជនរងគ្រោះ ។
មិនអាចស្វែងរកព័ត៌មានពិស្តារជាងនេះបាននៅឡើយទេ ហើយក៏មិនដឹងថា នារីរងគ្រោះមានជោគវាសនាបែបណាដែរ ដោយសារការជះទឹកអាស៊ីតលើនាងបែបនេះ ។ ចំណែកជនដៃដល់ជាអតីតគូដណ្តឹងដែលស្រោចទឹកអាសុីតលើខ្លួនឯងហើយផឹកថែមទៀតនោះ ក៏មិនទាន់ដឹងពីស្ថានភាពដូចគ្នាដែរ ៕
The post លើសពីសាហាវ…ចាក់អាស៊ីតលើគូដណ្តឹងរួច ចាក់លើខ្លួនឯងនិងផឹកទៀត appeared first on Koh Santepheap Daily.
ក្នុងហេតុការគ្រោះថ្នាក់ចរាចរណ៍ខាងលើនៅមិនទាន់ដឹងថា ចំនួនអ្នករងគ្រោះជាកម្មករកម្មការិនីរបួសធ្ងន់ និងស្រាលប៉ុន្មាននោះទេ គេគ្រាន់តែដឹងថា មនុស្សយ៉ាងតិចពី៧ទៅ១០នាក់ ជាកម្មករកម្មការិនីបានរងរបួសធ្ងន់និងស្រាល នៅក្នុងហេតុការខាងលើនេះ ។
ប្រភពដដែលឲ្យដឹងថា ជនរងគ្រោះទាំងអស់ត្រូវបានដឹកទៅសង្គ្រោះនៅមន្ទីរពេទ្យស៊ុនយ៉ាឃៀលចំការដូង ស្ថិតក្នុងភូមិកែបថ្មី ឃុំបឹងទូក ស្រុកទឹកឈូ ខេត្តកំពត ។
តាមប្រភពពីអ្នកឃើញហេតុការនៅកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តម៉ាកសាំយ៉ុង ពណ៌សំបកឪឡឹក មិនចាំផ្លាកលេខ ដឹកកម្មករកម្មការិនីបើកបរក្នុងទិសដៅពីកើតទៅលិច លុះមកដល់ចំណុចកើតហេតុ ដោយផ្លូវមានជង្ហុករថយន្តដែលដឹកកម្មករក៏បានគេចជង្ហុកផ្លូវ ទទួលរថយន្តម៉ាកបែនដឹកដីបើកបរក្នុងល្បឿនលឿនមកពីទិសខាងលិចក៏បានប៉ះ និងរថយន្តដែលដឹកកម្មករជញ្ជាំងខាងឆ្វេងក្រពឹតយ៉ាងដំណំ ។ រីឯរថយន្តបែនក៏បានខូចខាតផ្នែកខាងមុខយ៉ាងដំណំដែរ ដោយជ្រុះភ្លើងហ្វា និងបែកកញ្ចក់ពេញផ្លូវ ហើយក្រោយពីកើតហេតុរថយន្តបែនបានបន្ថែមល្បឿនរត់គេចខ្លួនបាត់ នៅសល់តែរថយន្តដឹកកម្មករនៅកន្លែងកើតហេតុ ។
នៅក្នុងហេតុការនេះកម្មករកម្មការិនីបានរងរបួសធ្ងន់ និងស្រាលជាច្រើននាក់ កំពុងត្រូវបានសង្គ្រោះនៅមន្ទីរស៊ុនយ៉ាឃៀលចំការដូង សមត្ថកិច្ចកំពុងចុះទៅស្រង់ស្ថិតិឈ្មោះ និងចំនួនមនុស្សដែលរងគ្រោះធ្ងន់ និងស្រាលនៅមន្ទីរពេទ្យ ។ ចំណែករថយន្តបែនដឹកដីដែលរត់គេចខ្លួនសមត្ថកិច្ចកំពុងតែតាមរុករកតាមច្រកល្ហកក្នុងក្រុងកំពតមិនអាចគេចខ្លួន ឬលាក់ខ្លួនបានទេ ពីព្រោះរថយន្តបែននេះក៏រងការខូចខាតធ្ងន់ដែរ ៕
ជនរងគ្រោះឈ្មោះ ZHANG JIANGSHAN អាយុ២៧ឆ្នាំ កាន់លិខិតឆ្លងដែនលេខE92895358
ក្រោយទទួលបានព័ត៌មានខាងលើនេះភ្លាម សមត្ថកិច្ចពាក់ព័ន្ធរួមទាំងនគរបាលការពារព្រំដែនបានចុះទៅដល់ចំណុចកើតហេតុ ។
មកទល់នឹងម៉ោងជាង៨ព្រឹកថ្ងៃទី៩ វិច្ឆិកានេះនគរបាលជំនាញផ្នែកបច្ចេកទេសក្រុងប៉ោយប៉ែតអះអាងតាមទូរស័ព្ទថា មិនទាន់ដឹងមូលហេតុទេ ពេលនេះកំពុងរង់ចាំជំនាញពាក់ព័ន្ធមកពីខេត្ត ព្រោះជារឿងជនបរទេស ហើយទីតាំងកើតហេតុ សមត្ថកិច្ចបានហ៊ុមព័ទ្ធខ្សែសុវត្ថិភាពផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ប្រភពនៅកន្លែងកើតហេតុឲ្យដឹងថា រថយន្តទំនើបមួយគ្រឿងនេះម៉ាកឡង់គ្រីស្ស័រស៊េរីឆ្នាំ២០១៨ ពណ៌.ស ពាក់ផ្លាកលេខ ភ្នំពេញ២V-០០៧៩ ធ្វើដំណើរយ៉ាងលឿនតាមផ្លូវលេខ២៧១ ក្នុងទិសដៅពីស្តុបណូគា ឆ្ពោះទៅស្ពានអាកាសស្ទឹងមានជ័យ ។ លុះទៅដល់ចំណុចខាងលើ ដោយផ្លូវមានសភាពកោង ស្រាប់តែរថយន្តរេចង្កូតទៅខាងឆ្វេងដៃបុកក្បាលរបាំងថ្មពុះចែកទ្រូងផ្លូវ បណ្ដាលឲ្យបែកអស់មួយចំណិត រួចរេបន្តឆ្លងផ្លូវទៅបុកបង្គោលថ្មរបស់សាលាសម្រាប់ថ្ពក់ច្រវាក់ហាមចតលើចិញ្ចើមថ្នល់ បណ្ដាលឲ្យបាក់អស់ចំនួន៣ដើម ។
ខាងក្រោមនេះ ជាខ្លឹមសារទាំងស្រុង របស់ទីបញ្ជាការកងរាជ អាវុធហត្ថរាជធានីភ្នំពេញដែលបានផ្សព្វផ្សាយជុំវិញការបង្ក្រាបជាបន្តបន្ទាប់ ។ ថ្មីៗនេះ មានករណីឆក់កាបូបមួយកើតឡើង បណ្តាលឲ្យស្ត្រីម្នាក់ដួលម៉ូតូបោកទៅនឹងថ្នល់គួរឲ្យរន្ធត់ នាថ្ងៃទី២៧ តុលា ២០១៨ វេលាម៉ោងប្រមាណ៦និង២០នាទី នៅចំណុចផ្លូវជាតិលេខ៦ ភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ។ ក្រោយពេលកើតហេតុ ជនរងគ្រោះមិនបានដាក់ពាក្យបណ្តឹង ឬផ្តល់ព័ត៌មានដល់សមត្ថកិច្ចអាវុធហត្ថទេ តែ៤ ថ្ងៃក្រោយមកកម្លាំងអាវុធហត្ថរាជធានីភ្នំពេញ បានឃើញព័ត៌មានស្តីពីករណីឆក់កាបូបខាងលើនេះ តាមរយៈវីដេអូឃ្លីបក្នុងបណ្តាញសង្គមហ្វេសប៊ុក អាវុធហត្ថក៏បានចាត់វិធានការណ៍ស្រាវជ្រាវជាបន្ទាន់ និងតាមស្វែងរកមុខសញ្ញាក្រុមចោរឆក់ទាំងនោះ ។
រហូតដល់ថ្ងៃទី៣ វិច្ឆិកា សមត្ថកិច្ចមូលដ្ឋាន កងរាជអាវុធហត្ថខណ្ឌជ្រោយចង្វារ សហការជាមួយកម្លាំងជំនាញការិយាល័យបទ ល្មើសព្រហ្មទណ្ឌនៃកងរាជអាវុធហត្ថរាជធានីភ្នំពេញ បានឃាត់ខ្លួនជនសង្ស័យចំនួន៣នាក់ ១-ឈ្មោះ សុខ ពន្លឺ ២-ឈ្មោះ រស់ សែនវាសនា ហៅ មិត្ត និង៣-ឈ្មោះ នួន រស្មី ហៅ តុង នៅចំណុចភូមិបាក់ខែង និងភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ ។
ក្រោមវិធានការជំនាញរបស់សមត្ថកិច្ចអាវុធហត្ថ ជនសង្ស័យទាំង៣នាក់បានសារភាពថា ពួកគេគឺពិតជាបានធ្វើសកម្មភាពឆក់កាបូបស្ត្រីខាងលើពិតប្រាកដមែន ដែលនៅថ្ងៃកើតហេតុពួកគេបានធ្វើសកម្មភាពតែ៤នាក់ប៉ុណ្ណោះ តែរយៈកាលកន្លងមកក្រុមពួកគេមានគ្នា៦នាក់ តែងចេញធ្វើសកម្មភាពឆក់កាបូប និងទូរស័ព្ទលើដងផ្លូវ គ្រប់ទីកន្លែងក្នុងភូមិសាស្ត្ររាជធានីភ្នំពេញ ដូចជាតាមបណ្តោយផ្លូវជាតិលេខ៦ តំបន់ព្រែកលៀប តំបន់ផ្លូវលីយ៉ុងផាត់ តំបន់វត្តក្តីចាស់ ផ្លូវសហព័ន្ធរុស្សី តំបន់ស្ពានអាកាស៧មករា តំបន់ក្រោមស្ពានជ្រោយចង្វារ តំបន់ផ្សារកណ្តាល ខណ្ឌដូនពេញ និងតំបន់ផ្សេងៗទៀត ដែលពួកគេបានជិះឆ្លងកាត់ឃើញស្ថានភាពផ្លូវស្ងាត់ និងជនរងគ្រោះធ្វេសប្រហែស ។
បច្ចុប្បន្នក្រៅពីក្រុមចោរទាំង៣នាក់ដែលសមត្ថកិច្ចឃាត់ខ្លួនបាននេះ គឺនៅមានបក្សពួក៣នាក់ទៀត បាននិងកំពុងរត់គេចផងដែរ ក្នុងនោះមាន១-ឈ្មោះ សោម ពេជ្រ ហៅ ពេជ្រខ្មោច ២-ឈ្មោះ ពេជ្រ ហៅ ពេជ្រតូច និង៣-ឈ្មោះ រិទ្ធ ហៅ លឹប ។ ដោយឡែក ឈ្មោះ សោម ពេជ្រ ហៅ ពេជ្រខ្មោច ក៏ធ្លាប់ត្រូវបានអាវុធហត្ថរាជធានីភ្នំពេញ ឃាត់ខ្លួនបញ្ជូនទៅផ្តន្ទាទោសម្តងរួចហើយ កាលពីអំឡុងខែធ្នូ ឆ្នាំ២០១៧ ពាក់ព័ន្ធករណីឆក់កាបូបជនបរទេស នៅចំណុចមុខផ្សារឡាក់គី ផ្លូវព្រះសីហនុ សង្កាត់បឹងកេងកង១ ខណ្ឌចំការមន រាជធានីភ្នំពេញ ។
ក្រោយពេលស៊ើបអង្កេត និងស្តាប់ចម្លើយជនសង្ស័យអស់ពេល៤៨ម៉ោង សមត្ថកិច្ចអាវុធហត្ថរាជធានីភ្នំពេញ បានស្វែងជនរងគ្រោះ ដែលត្រូវបានក្រុមចោរទាំងនេះ ឆក់កាបូបបណ្តាលឲ្យដួលម៉ូតូកាលពីថ្ងៃទី២៧ ខែតុលា ឆ្នាំ២០១៨ មកដាក់ពាក្យបណ្តឹងបំពេញនិតិវិធីកសាងសំណុំរឿងបញ្ជូនទៅតុលាការ ដើម្បីផ្តន្ទាទោសក្រុមចោរទាំងនេះតាមច្បាប់ ។
ជាមួយនេះផងដែរ សមត្តកិច្ចកងរាជអាវុធហត្ថសូមអំពាវនាវដល់មហាជន ប្រសិនបានឃើញឬស្គាល់ជនសង្ស័យទាំង៣នាក់ដែលរត់គេចខ្លួនខាងលើ ជួយផ្តល់ដំណឹងដល់សមត្ថកិច្ចអាវុធហត្ថរាជធានីភ្នំពេញ តាមរយៈលេខទូរស័ព្ទ ០១៧ ៨១ ៨១ ៧១ ឬសមត្ថកិច្ចដែលនៅជិតលោកអ្នក ដោយមានការធានារក្សាការសម្ងាត់ជូនទៀតផង ៕ 
សេចក្តីរាយការណ៍បានបន្តថា រថយន្តធុនធំខាងលើបានបើកបុករះម៉ូតូ និងរថយន្តជាច្រើនគ្រឿង ហើយក៏បានបុកជ្រុលបន្តរហូតដល់ធ្លាយផ្ទះប្រជាពលរដ្ឋអស់ជាច្រើនផ្ទះផងដែរ រហូតដល់ទៅមុខលែងរួច តែខាងយើងមិនទាន់ដឹងមូលហេតុយ៉ាងណានោះទេ ព័ត៌មានលម្អិតនឹងមានផ្សាយជូននៅពេលក្រោយទៀត ៕
ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោងប្រមាណ១០និង១៥នាទីយប់ថ្ងៃទី៨ ខែវិច្ឆិកា ឆ្នាំ២០១៨ នៅតាមបណ្តោយផ្លូវក្រាលគ្រួសក្រហម ស្ថិតនៅក្នុងភូមិវាលស្បូវ ឃុំតាំងក្រសាំង ស្រុកទឹកផុស។
តាមប្រភពព័ត៌មានសមត្ថកិច្ចនគរបាលមូលដ្ឋានបានដឹងថា ជនរងគ្រោះដែលស្លាប់ឈ្មោះសែម សេះ ភេទប្រុស អាយុ២៣ឆ្នាំ មានទីលំនៅភូមិភ្នំតាសាំ ឃុំក្រាំងស្គារ ស្រុកទឹកផុស ។
មុនពេលកើតហេតុ យុវជនខាងលើបានជិះម៉ូតូមួយគ្រឿងម៉ាកហុងដា ធុនសេ១២៥ ពណ៌ខ្មៅពាក់ស្លាកលេខ ក្រុងព្រះសីហនុ ១A-៣០៧១ បើកបរក្នុងទិសដៅពីជើងទៅត្បូង លុះមកដល់ចំណុចកើតហេតុ គេមិនបានដឹងថាបុកជាមួយអ្វីនោះទេ ។
ប៉ុន្តែតាមការស្រាវជ្រាវរបស់សមត្ថកិច្ចបានសង្ស័យថា ជនរងគ្រោះបើកម៉ូតូបានបុកជាមួយនឹងគោយន្តមានដឹកឈើ ហើយក្រោយកើតហេតុ សពជនរងគ្រោះរួមទាំងម៉ូតូត្រូវបានភាគីបង្ក អូសយកទៅទម្លាក់ចោលក្នុងប្រឡាយពីខាងលិចផ្លូវចម្ងាយប្រមាណ៨ម៉ែត្រកន្លះ រួចហើយអ្នកបើកបរបង្ករត់គេចខ្លួនបាត់។
ប្រភពដដែលបានបន្តថា នៅព្រឹកថ្ងៃទី៩ ខែវិច្ឆិកានេះ សមត្ថកិច្ចបានចុះធ្វើការវាស់វែង និងបានសន្និដ្ឋានថា ជនរងគ្រោះខាងលើពិតជាបានបុកគ្នាជាមួយភាគីម្ខាងទៀតប្រាកដមែន ហើយត្រូវបានភាគីម្ខាងនោះអូសទាំងសពនិងម៉ូតូយកទៅទម្លាក់ចោលក្នុងប្រឡាយដើម្បីបំបាត់ភស្តុតាង។
ក្រោយពីការពិនិត្យសពរួចហើយ សមត្ថកិច្ចបានប្រគល់សពជនរងគ្រោះទៅឱ្យក្រុមគ្រួសារដើម្បីយកទៅធ្វើបុណ្យតាមប្រពៃណី ។ ចំណែកម៉ូតូត្រូវបានយកទៅរក្សាទុកដើម្បីបន្តការស្រាវជ្រាវរកជនបង្កមកដោះស្រាយតាមផ្លូវច្បាប់ ៕
ស្ត្រីដែលមានងារជាជំទាវ ឃាត់ខ្លួនបាននៅក្បែរទីលានវាយកូនហ្គោលបាគង រួចបញ្ជូនទៅភ្នំពេញភ្លាមៗផងដែរ ។ ការចេញសែកអត់សាច់ប្រាក់ឬជាសែកស្អុយនោះ មានទឹកប្រាក់៣លានដុល្លារ ឱ្យអ្នកធំម្នាក់នៅភ្នំពេញ ។ ការចាប់ខ្លួនលោកជំទាវប្រធានក្រុមហ៊ុន លី អ៊ុំអេង នោះបានធ្វើឡើងនៅវេលាម៉ោង១០និង៤០នាទីថ្ងៃទី៨ ខែវិច្ឆិកា នៅតាមបណ្តោយផ្លូវជាតិមុខទីលានវាយកូនហ្គោលបាគង ស្ថិតនៅភូមិលលៃ ឃុំបាគង ស្រុកប្រាសាទបាគង ខេត្តសៀមរាប ។
សូមបញ្ជាក់ថា បើតាមដីកាតុលាការមុនពេលចាប់ខ្លួន គឺលោកជំទាវ លី អ៊ុំអេង បានគេចខ្លួនមិនទទួលខុសត្រូវនៅពេលដែលសមត្ថកិច្ចបានទៅដល់គេហដ្ឋានរបស់គាត់ ។ គួរបញ្ជាក់ផងដែរថា កាលពីពេលកន្លងទៅពលរដ្ឋនៅស្រុកបន្ទាយស្រី បានដាក់ពាក្យបណ្តឹងមកតុលាការចោទថា លោកជំទាវ លី អ៊ុំអេង បានរំលោភយកដីធ្លីរបស់ពួកគាត់និងមានប្រជាពលរដ្ឋចំនួន៨គ្រួសារទៀត ដែលរស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប បានចោទថារំលោភយកដីរបស់ពួកគាត់ប្រមាណជាង១០ហិកតា ។ ហើយពលរដ្ឋទាំងនោះបាននាំគ្នាធ្វើការអំពាវនាវឱ្យលោក ជា សុផារ៉ា ទេសរដ្ឋមន្ត្រីនិងជារដ្ឋមន្ត្រីក្រសួងរៀបចំដែនដីនគរូបនីយកម្ម ជាពិសេសសម្ដេចតេជោ ហ៊ុន សែន នាយករដ្ឋមន្ត្រី ជួយរកយុត្តិធម៌ដល់ពួកគាត់ផងដែរ ។
អ្នកស្និទ្ធនិងលោកជំទាវ លី អ៊ុំអេង ម្នាក់បានបង្ហើបរឿងនេះឲ្យដឹងថា ជារឿងរ៉ាវទាក់ទិននឹងការលក់ដីជាង៦ហិកតា ដែលដីនោះមិនមែនជាដីរបស់លោកជំទាវ លី អ៊ុំអេង តែម្នាក់ឯងទេ ហើយដីនោះស្ថិតនៅក្រោមឥទ្ធិពលរបស់លោកធំម្នាក់នៅរាជធានីភ្នំពេញគ្រប់គ្រងទាំងអស់ ។
អញ្ចឹងលោកជំទាវ លី អ៊ុំអេង គាត់បានប្រមូលប្រជាពលរដ្ឋនិងធ្វើញតិ្ត ដោយប្រមូលប្រជាពលរដ្ឋដែលបានលក់ដីឲ្យគាត់ទៅធ្វើបាតុកម្មនៅមុខផ្ទះសម្តេចនាយករដ្ឋមន្ត្រី ដើម្បីទាមទារដីពីអាជ្ញាធរអប្សរា ។ ហើយការទាមទារនេះក៏បានដី១០ហិកតាកន្លះមកវិញ ដោយមានស.ជ.ណប្រកាសកាត់ឆ្វៀលដីខ្លះឲ្យទៅប្រជាពលរដ្ឋ១ក្រុមដែលរស់នៅទីនោះ ក៏ប៉ុន្តែប្រជាពលរដ្ឋបានលក់ទៅឲ្យគេរួចទៅហើយ ដោយសារពួកគាត់ត្រូវការលុយ ។
បើតាមការបញ្ជាក់ពីលោកវេជ្ជបណ្ឌិត អ៊ុង រតនា ប្រធានមន្ទីរសុខាភិបាលខេត្តបានឱ្យដឹងតាមទូរស័ព្ទ នៅព្រឹកថ្ងៃទី៩ វិច្ឆិកាថា បន្ទាប់ពីទទួលបានព័ត៌មានខាងលើនេះភ្លាម លោកបានបញ្ជូនក្រុមគ្រូពេទ្យចុះទៅកាន់ភូមិកើតហេតុខាងលើ ដើម្បីជួយសង្គ្រោះបន្ទាន់ ។ លោកបន្តថា នៅក្នុងកម្មវិធីបុណ្យសពនោះម្ចាស់ដើមបុណ្យបានធ្វើម្ហូបអាហារទទួលភ្ញៀវដោយមានបាយ សម្លរ បបរគ្រឿង ក្នុងម្ហូបអាហារទាំងប៉ុន្មានមុខខាងលើគ្រូពេទ្យជំនាញបានយកមកធ្វើកោសល្យវិច័យយ៉ាងល្អិតល្អន់រួចរាល់អស់ហើយ លទ្ធផលគ្មានជាតិពុលក្នុងម្ហូបនោះទេ តែមូលហេតុនៃការក្អួតចង្អោនេះគឺបណ្តាលមកពីពួកគាត់បរិភោគចំណីអាហារមិនមានអនាម័យល្អ ។ ទោះជាយ៉ាងណា ករណីនេះមិនមានប្រជាពលរដ្ឋណាម្នាក់គ្រោះថ្នាក់ដល់អាយុជីវិតនោះទេ ។
លោកថា គិតមកដល់ថ្ងៃទី៩ វិច្ឆិកា ស្ថានភាពរបស់ពួកគាត់ទាំង១៦០នាក់នេះ បានធូរស្រាលហើយ ។ ទាក់ទិននឹងករណីខាងលើ សមត្ថកិច្ចប៉ូលិសមូលដ្ឋានបានឱ្យដឹងថា នៅថ្ងៃកើតហេតុនោះ បងប្អូនជនជាតិដើមភាគតិចគ្រឹងបានធ្វើបុណ្យសពស្ត្រី វ័យជាង៦០ឆ្នាំម្នាក់ដែលបានស្លាប់ ដោយជំងឺជាង១ឆ្នាំកន្លងមកហើយ ដែលតាមប្រពៃណីជនជាតិដើមភាគតិចគ្រឹងគឺបានធ្វើបុណ្យក្នុង១ឆ្នាំ១ដង ។ ខណៈភ្ញៀវដែលចូលរួម ពេលកំពុងទទួលទានអាហារបានកន្លះម៉ោង ស្រាប់តែកើតហេតុនេះ ឡើងដោយភ្ញៀវប្រមាណ៧០%បានក្អួត និងសន្លប់ ក្រោយពីទទួលទានអាហាររួច ទើបធ្វើឱ្យមានការភ្ញាក់ផ្អើលពេញកម្មវិធីតែម្តង ។
បច្ចុប្បន្ន អ្នកជំងឺទាំង១៦០នាក់កំពុងសំរាកព្យាបាលនៅមន្ទីរពេទ្យបង្អែកខេត្ត និងបានថ្លែងអំណរគុណដល់សមត្ថកិច្ចប៉ូលិស និងមន្ទីរសុខាភិបាល រួមទាំងមន្ទីរពេទ្យបង្អែកខេត្តបានយកចិត្តទុកដាក់និងព្យាបាលដោយឥតគិតថ្លៃ ។ តាមប្រភពព័ត៌មានពីគ្រូពេទ្យបានឱ្យដឹងថានៅ ព្រឹកថ្ងៃទី៩ ខែវិច្ឆិកា អ្នកជំងឺជាង១៦០នាក់ គ្រូពេទ្យបានអនុញ្ញាតទៅផ្ទះវិញជាងពាក់កណ្តាលហើយ នៅសល់ប៉ុន្មានគ្រូពេទ្យកំពុងតាមដានពីអាការៈដោយយកចិត្តទុកដាក់ព្យាបាលបន្តទៀតព្រោះធ្ងន់ជាងគេ ៕
ក្នុងករណីគ្រោះថ្នាក់ខាងលើកម្លាំងនគរបាលចរាចរក្រុងបានចុះពិនិត្យជនរងគ្រោះដល់មន្ទីរពេទ្យផ្ទាល់បានដកស្រង់ចំនួនជនរងគ្រោះក្នុងហេតុការខាងលើ មានជនរងគ្រោះជាកម្មករ-កម្មការិនីរងរបួសធ្ងន់ និងស្រាលក្នុងហេតុការគ្រោះថ្នាក់នេះសរុប១១នាក់ ធ្ងន់៤នាក់ជាស្ត្រី និងស្រាល៧នាក់ ស្រី៦នាក់ ។
ប្រភពចុងក្រោយពីសមត្ថកិច្ចបានឲ្យដឹងថា ជនរងគ្រោះជាស្ត្រីម្នាក់ឈ្មោះ ទ្រេន ក្តី អាយុ២៩ឆ្នាំ មានទីលំនៅភូមិព្រៃតុម្ព ឃុំព្រៃឃ្មុំ ស្រុកទឹកឈូ ដែលរងរបួសធ្ងន់ក្នុងចំណោមជនរងគ្រោះធ្ងន់ទាំង៤ នាក់នោះបានស្លាប់នៅពេលបញ្ជូនទៅសង្គ្រោះនៅមន្ទីរប្រទេសវៀតណាម ហើយក្រុមគ្រួសារបានដឹកត្រឡប់មកកាន់គេហដ្ឋានវិញដើម្បីរៀបធ្វើបុណ្យតាមប្រពៃណី ។
បើតាមការឲ្យដឹងពីសាចញាតិរបស់ជនរងគ្រោះនិយាយថា កាលពីរសៀលនៅមុនពេលកើតហេតុពួកគេឃើញជនរងគ្រោះជិះទូកទៅចងសន្ទូចតែម្នាក់ឯងនៅចំណុចកើតហេតុខាងលើ ដោយមិនឃើញនាងត្រឡប់មកផ្ទះវិញសាច់ញាតិក៏នាំគ្នាជិះទូកទៅតាមមើលនៅពេលទៅជិតដល់ឃើញតែទូកមិនឃើញមនុស្សដល់ពេលជិះទូកទៅជិតក៏ប្រទះឃើញជនរងគ្រោះលង់ទឹកស្លាប់បាត់ទៅហើយនៅក្បែរទូក ហើយក៏នាំគ្នាលើកជនរងគ្រោះដាក់លើទូកអុំយកមកផ្ទះ ។
ហេតុការឃាត់ខ្លួនជនជួញដូរគ្រឿងញៀននេះធ្វើឡើងនៅវេលាម៉ោង០៩និង៥០នាទី ថ្ងៃទី០៨ ខែវិច្ឆិកា ឆ្នាំ២០១៨ ស្ថិតនៅចំណុចលំនៅដ្ឋាន ក្នុងភូមិចុងកៅស៊ូ សង្កាត់ស្លក្រាម ក្រុង-ខេត្តសៀមរាប ។
នៅក្នុងសម្ភាសន៍ផ្ទាល់ជាមួយម្ចាស់គ្រឿងចក្រឈ្មោះ ជា ង៉ែត ភេទប្រុស អាយុ៣៦ឆ្នាំមានទីលំនៅក្នុងភូមិព្រៃទទឹង២ ឃុំបវេល ស្រុកបវេល ខេត្តបាត់ដំបង និយាយថា ការកាយដីថ្មភ្នំនេះ ផ្អែកតាមការផ្តិតមេដៃរបស់ប្រជាពលរដ្ឋ២ភូមិក្នុងឃុំបឹងបេង និងមានការឯកភាពពីអាជ្ញាធរមូលដ្ឋាន ស្នើឲ្យគាត់ជួយធ្វើផ្លូវឆ្លងកាត់ចន្លោះភ្នំដើម្បីបានធ្វើដំណើរទៅមក និងដឹកកសិផលតាមចម្ការ ។
អ្នកភូមិម្នាក់សុំមិនបញ្ចេញឈ្មោះនិយាយថា ការពិតក្រុមគ្រឿងចក្រធ្វើលើសគោលការណ៍ហើយ ។ អ្នកស្រុកបានស្នើសុំឲ្យក្រុមគ្រឿងចក្រខាងលើជួយធ្វើផ្លូវ ចូកកាយដីថ្មភ្នំចំណុចផ្លូវចាស់មែនព្រោះខ្ពស់ពេក តែមិនគួរយកអាចម៍ដីថ្មភ្នំចំណុចផ្លូវចាស់រួចហើយ បែរជាមិនបញ្ឈប់សកម្មភាព ហើយឈានទៅបន្តកាយនៅទីតាំងផ្សេងៗទៀតដូចជា ប៉ែកខាងអាគ្នេយ៍ផ្លូវនិងទីតាំងកំពុងធ្វើសកម្មភាពនេះថែមទៀត ។
លោកមេឃុំអះអាងថា ពលរដ្ឋ២ភូមិគឺភូមិចំបក់និងភូមិជ្រៃ បានផ្តិតមេដៃឯកភាពឲ្យក្រុមគ្រឿងចក្រខាងលើជួយធ្វើផ្លូវមែន ប៉ុន្តែការឲ្យជួយធ្វើផ្លូវនោះពលរដ្ឋនិងអាជ្ញាធរឲ្យយកតែអាចម៍ដីថ្មភ្នំលើទីតាំងផ្លូវចាស់ ព្រោះគ្មានប្រាក់ជួល ។ លោកបន្តថា អាជ្ញាធរមិនបានឯកភាពឲ្យកាយដីថ្មភ្នំលើទីតាំងផ្សេងៗឡើយ ហើយក៏មិនបានឲ្យធ្វើផ្លូវភ្លោះដែរ ។
រឿងកាយចូកយកដីថ្មភ្នំនៅខេត្តបន្ទាយមានជ័យ ជារឿងក្តៅគគុកមួយនារយៈពេលចុងក្រោយនេះ ព្រោះបន្ទាប់ពីកើតមានឧប្បត្តិហេតុធ្លាក់រថយន្តដឹកថ្មសង្កត់អ្នកបើកបរម្នាក់ស្លាប់នៅភ្នំទ្រយោង ក្នុងស្រុកព្រះនេត្រព្រះ ព្រះរាជអាជ្ញាអមសាលាដំបូងខេត្ត បានដាក់បទបញ្ជាឲ្យសមត្ថកិច្ចអាវុធហត្ថចុះត្រួតពិនិត្យ និងឈានដល់ការឃាត់ខ្លួនមនុស្សនិងគ្រឿងចក្រ ក៏ដូចជារថយន្តដឹកដីជាបន្តបន្ទាប់ផងដែរ ៕
បើពឹងលើសមត្ថកិច្ច នគរបាល ឬកងរាជអាវុធហត្ថ មិនគ្រប់គ្រាន់ និងគ្រប់ជ្រុងជ្រោយនោះទេ ទាល់តែមានការចូលរួមពីបងប្អូន អ្នករត់ម៉ូតូឌុប ក៏ដូចជាគ្រប់អាជីវករ និងគ្រប់មហាជន ។ នេះគឺជាការថ្លែងរបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ក្នុងឱកាសកោះអញ្ជើញបងប្អូនអ្នករត់ម៉ូតូឌុបជិត១០០នាក់ មកពីសង្កាត់ទាំង៤ក្នុងក្រុងសិរីសោភ័ណ គឺសង្កាត់ព្រះពន្លា អូរអំបិល ទឹកថ្លា និង សង្កាត់កំពង់ស្វាយ នៅថ្ងៃទី១០ ខែវិច្ឆិកា ឆ្នាំ២០១៨ នៅសាលប្រជុំស្នងការនគរបាលខេត្តបន្ទាយមានជ័យ ។
ជាមួយគ្នានោះផងដែរ លោកឧត្តមសេនីយ៍ស្នងការបានថ្លែងអំណរគុណជាមួយបងប្អូនដែលបានចូលរួមជាមួយសមត្ថកិច្ចកន្លងមកបានល្អប្រសើរក្នុងនោះក៏សូមបងប្អូនបន្តការចូលរួមសហការបន្ថែមទៀត ដើម្បីរួមគ្នារក្សាបាននូវសន្តិសុខ សណ្តាប់ធ្នាប់ សុវត្ថិភាព ក្នុងខេត្តយើង ៕
ជនរងគ្រោះឈ្មោះ ម៉ានី អាយុ២២ឆ្នាំ ជាបុគ្គលិកក្រុមហ៊ុន vivo ឯទ្រព្យសម្បត្តិដែលបាត់បង់រួមមាន លុយមួយចំនួន និងម៉ូតូស្គូពីស៊េរីឆ្នាំ២០១៩ មួយគ្រឿង ពណ៌ស ទិញបង់រំលស់ទើបបាន១អាទិត្យ មិនទាន់ទាំងចាំស្លាកលេខច្បាស់នៅឡើយ ឯកាតគ្រីនៅក្រុមហ៊ុនទុកទៀត ។ តាមប្រភពព័ត៌មានពីនារីរងគ្រោះឲ្យដឹងថា នៅវេលាម៉ោង៧យប់ថ្ងៃកើតហេតុនោះ រូបនាងបានទៅចូលរួមកម្មវិធីមិត្តភក្ដិ ដោយទុកម៉ូតូនៅក្នុងបន្ទប់ជួល ចាក់សោបន្ទប់ត្រឹមត្រូវ ។
រហូតដល់ម៉ោង១២អធ្រាត្រ នាងត្រឡប់មកវិញចាក់សោទ្វារឃើញម៉ូតូនៅក្នុងបន្ទប់ធម្មតាទេ ប៉ុន្តែដោយឃ្លានបាយក៏បិទទ្វារចេញទៅរកទិញចំណីហូបនៅខាងក្រៅប្រមាណ១៥នាទី ។ ពេលត្រឡប់មកវិញឃើញទ្វារបន្ទប់ចំហ ក៏សង្ស័យរត់ស្ទុះទៅមើលក្នុងបន្ទប់ ឃើញសភាពរាយប៉ាយ ហើយបាត់ម៉ូតូទើបនឹងទិញទៀត ធ្វើឲ្យនាងហួសចិត្តយ៉ាងខ្លាំង និងបានទៅដាក់ពាក្យបណ្តឹងនៅសមត្ថកិច្ច ។
ប្រភពដដែលបញ្ជាក់ថា នៅផ្ទះជួលខាងលើនោះឧស្សាហ៍មានចោរចូលគាស់បន្ទប់លួចទ្រព្យសម្បត្តិច្រើនដងមកហើយ មិនដឹងថាជនសង្ស័យបានសោរបងផ្ទះមកពីណាចាក់ចេញចូលបានស្រួលម្លេ៉ះ ព្រោះមានតែអ្នករស់នៅក្នុងផ្ទះនោះប៉ុណ្ណោះទើបមានសោរបងផ្ទះ ។
នៅពេលមានបញ្ហា អ្នករស់នៅក្នុងបន្ទប់ជួលខាងលើសុំម្ចាស់ផ្ទះឆែកកាមេរ៉ាសុវត្ថិភាពមើល ប៉ុន្តែម្ចាស់ផ្ទះមិនព្រមឆែកឲ្យមើលទេ មិនដឹងជាគាត់មានមូលហេតុអ្វីឡើយ ។ ក្រោយកើតហេតុ នារីរងគ្រោះបានត្រឹមតែទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលបឹងទំពុន១តែប៉ុណ្ណោះ ទាំងមិនសង្ឃឹមថានឹងរកឃើញម៉ូតូត្រឡប់មកវិញឡើយ ៕
ហេតុការណ៍នេះ កើតឡើងកាលពីវេលាម៉ោង០៩និង៣០នាទីព្រឹកថ្ងៃទី៦ខែវិច្ឆិកា នៅតាមផ្លូវភ្នំពេញ-ហាណូយ ក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ ។ ជនសង្ស័យឈ្មោះ សុខ ថា ហៅហុង ភេទប្រុស អាយុ៣២ឆ្នាំ ស្នាក់នៅភូមិឌួង សង្កាត់សំរោង ខណ្ឌព្រែកព្នៅ ។ ចំណែកម្ចាស់ទូរស័ព្ទឈ្មោះ ឡុង ចិន្តា អាយុ២៧ឆ្នាំ ជាកម្មការិនីរោងចក្រ ស្នាក់នៅភូមិពោធិ៍រ៉ា ឃុំភ្នំបាត ស្រុកពញាឮ ខេត្តកណ្តោល ។
តាមស្ត្រីជាម្ចាស់ទូរស័ព្ទបានឲ្យដឹងថា នៅវេលាព្រឹកនោះ នាងធ្វើដំណើរចេញេពីធ្វើការគោលបំណងទៅផ្ទះដោយជិះម៉ូតូស្គូពីមួយគ្រឿង ។ នៅពេលទៅដល់ចំណុចខាងលើ ក៏បានដកទូរស័ព្ទដៃម៉ាកអាយហ្វូនស៊ិកផ្លាសនិយាយទៅឪពុក ។ ពេលនិយាយចប់ប្រុងដាក់ចូលក្នុងហោប៉ៅខោវិញ ស្រាប់តែមានជន២នាក់ ជិះម៉ូតូហុងដាឌ្រីមពណ៌ខ្មៅ មិនចាំផ្លាកលេខ មកពីក្រោយធ្វើសកម្មភាពឆក់យកទូរស័ព្ទដៃពីនាងបានសម្រេចហើយជិះគេចខ្លួន ។
តាមម្ចាស់ទូរស័ព្ទឲ្យដឹងទៀតថា ខណៈនោះនាងបានដេញតាមនិងស្រែកថាចោរៗ ធ្វើឲ្យជនសង្ស័យជិះគេច ខ្លួនទាំងភ័យស្លន់ស្លោក៏ធ្លាក់ជនសង្ស័យម្នាក់ដែលជិះខាងក្រោយ ហើយត្រូវប្រជាពលរដ្ឋនាំគ្នាឃាត់ខ្លួនបានវាយម្នាក់មួយដៃម្នាក់មួយជើងរហូតទ្រមខ្លួននិងរងរបួស រួចប្រគល់ឲ្យនគរបាលចាត់ការតាមច្បាប់ ៕
